इबरानी 12:25 - Korwa Bible

²⁵ भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 12:25 Referans Kwoze

इबरानी 8:5

चउंदीसरिकुःआ पुजउरीकू सेसेवातना हना टपइर ओड़ाः सेरमो देसराः सताय टपइर ओड़ाःराः उंबूल अरू अउल-तउल इया इदा। हनालगा मोसेस टपइर ओड़ाः भाये तुलागे मेला भगवान हाँये सेतावतेरा, “अयुमेमे! पहाड़रे नकलिंग उदुःवातेडमेःआ, हनन इया जमालेःआ तुतुला लगा इदा।”

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

मती ओजाःतेरा भगवानराः नपाय सरवन 8:4

हनते ईसू हाँय एचेरेय कताया, “नाःआ कता आम तोनोंगीग एचेरे अलोम बड़रा। मनदो आम पुजउरी एचेरे सेनेकियानखन एचे जासगुःमे, अरू आम सुद होयाः लगा मोसेस हुकुमकेरा, हना नियम इया बलिदानमे देगगे, जेमहा जमा होड़कू सुदीगोड, आम नपाययना, माःआन।”

2 तिमुतियूस 4:4

हँकुःआ होड़कू सताय बड़रा अयूम अतेकू अइठाव जुवाःता अरू होड़कूराः तुलात कहड़ीकून अगीकू बहकाव जुवाःता।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

मूक चेलाकू 7:35

अले एचेरे हातपातगे लगा इये आम फड़ियावदारे तुलाकेडमेःआ, माःआन इसराएल होड़कू मड़ंगरे आड-बेकारवाडिगखनकू कतावाया हाँयग होड़ ननाँयग मोसेस हवे। हाँयग मोसेस हँकुःआ होड़कूरीग हातपात होड़ अरू सडावदार होयाः लगा भनगवान आँयग बराहीलतेय वारतेरा अरू हाँयग मोसेस एचेरे सलगाःतो बुदारेय एचे ञेलनेना।

इबरानी 3:17

अरू भगवान चालीस बरिस वरी इये सुदाय रीस रंजावनेना? कसूरतेडखन टयंगाब ततेररेकू गोएगनेना हँननकुःआ होड़कू सुदाय रीस रंजावनेना।

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

उदुःतो कताकून 22:9

मनदो हाँय ईंग एचेरेय कतातेरा, “अलो अलो, नाःआ इया अलोम एचेय। ईंग हों आम इया भगवानरीग सेवकिया होड़ इदानिंगा। आमरिकुःआ बिसवासी वपक बोपोहकूताम इया, भगवानराः बड़रा कता होड़कू इया, अरू नाःआ कागदराः कताकूनकू मनाःता हँकुःआ होड़कू इया ईंग हों भगवानरीग सेवकिया होड़ इदानिंगा। हनालगा आम भनगवानमे जाग।”

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

इबरानी 1:1

ने अजी बोपोहकूतिंग, भगवान मड़ंग जूगरे अबूरिकुःआ खुटिपरिया होड़कू एचेरे आँयग बड़रा कता होड़कूते एटाः एटाः बेलारे एटाः एटाः इयाय बड़रा ञवना,

इबरानी 3:12

दो ईंगरिकुःआ अजी बोपोहकूतिंग, जीयत भगवानराः दूर अते बहकावपेता हना बेनेलूर अरू बेगर बिसवासराः जीव अपे अते तोनोंगीग एचेरे अहा होयाः लगा सवासितीपे दोहोन।

इबरानी 12:19

हँकू मरंग सोहनाई इया मुरुक मरंग अरोकू अयूमतेरा अरू हँकू भगवानराः अरो अयूमतेडखन मोसेस एचेरेकू असेया, भगवान अले सुदा अरू अलोय बुतुड़ु, माःआन।