इबरानी 11:26 - Korwa Bible

²⁶ भगवान अते पवाःता हना इमान लगा हाँयराः जीव टक-टक दोहोना। हनालगा मिसिरी देसराः आन-धान अते, मसी लगा एचे बेग-हतान मरंगे ओंगोलबाःकाड।

इबरानी 11:26 Referans Kwoze

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

इबरानी 10:35

हनालगा अपे डीड़कियानखन भगवान एचेरेपे असरागोड ञवन। दो भगवान अपे मरंग इमाने एमेवापेता।

उदुःतो कताकून 3:18

हनालगा ईंग अपेयिंग सलाहता, सेंगेलते गरावतो सोना ईंग अतेपे किजाय, जेमहा अपे गिरहत जुवाः अरू उजड़ सोनहेपे किजा अरूपे तुसिंगे दो अपे एकेते ओरोपे दोहोनेना अरू ओरोपे गियूनेना। अरू अपेराः मेडरे लगवे लगा दवापे किजा, जेमहा अपे ञेल अवेय।

1 पतरस 4:14

भगवानराः अगम मरंग बिरुवा अपे एचेरे इदा। हनालगा अपे ईसू मसी एचेरे बिसवासगेतान अते, होड़कू अपेकू एरंगवाता, दो अपेराः जीव भगवान नपायगोडता।

इबरानी 2:2

सेरमो देसरिकुःआ बराहीलकूते भगवान कतातेरा हना सरवन तोल दोहोत दोहोना, अरू हना सरवनकू टड़ावतेरा हँकुःआ होड़कू, बेगर गारबारतेःआ फड़ियावराः डंडकू पनावावनेना।

2 कुरिंती 6:10

अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।

लूका 14:14

हँकुःआ होड़कू आम ओरोकू राः बदला अवेतेडमेःआ। हनालगा नाःआ इयाम एचेय दो भगवान आमे भलावाता। बेगर गारबार होड़कू जियाव रिमुःता हना दिन भगवान अते नपाय इमानमे पवाःता।”

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।

इबरानी 13:13

दो ईसूकू बेग-हतावातेरा हनानाः बेग-हता सहावकेडखन हाँय एचेरे डेराकून बाहरी अबू हों सेन।

इबरानी 10:33

तोनोंग तोनोंग मेला, अपे एटाः होड़कू मड़ंगरेकू बदीतेडपेःआ अरू अपेकू संतावतेरा। अरू तोनोंग मेला, एटाः होड़कूकू संतावा, हनमेला हों अपे संतावतो होड़कू सुदापे मेसानेना।

पिलिपी 3:7

मनदो ईंग लगा नफा दोहोना, हना जमाकून ईसू मसी लगा नुँहू हनी माःआनिंग ओंगलेतना।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

मती ओजाःतेरा भगवानराः नपाय सरवन 10:41

भगवानराः बड़रा कता होड़े नेत-नेवारता हाँय, भगवानराः बड़रा कता होड़राः इमान भगवान अगीतेय पवाता। तोनोंगीग बेगर गारबार होड़ माःआन मनेवाडिगखने नेत-नेवारगेयता दो, हाँयग होड़ बेगर गारबारीग होड़राः इमान भगवान अगीतेय पवाःता।

मती ओजाःतेरा भगवानराः नपाय सरवन 6:1

“अपे होड़कू एचे उदुःवा लगा धरमराः नपाय बुताकून अलोपे एचेय। नाःआ इयापे एचेय दो, सेरमो देसरे इदानिया अपेरीग अपांग अते हना नपाय बुताराः इमान कहिसाः ओरोपे पवावनेना।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

लूका 14:33

अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।