इबरानी 11:13 - Korwa Bible

¹³ हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

इबरानी 11:13 Referans Kwoze

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।

एहुना 8:56

अपेरीग खुटिपहार होड़ इबराहीम ईंग चउंदीसरेयिंग वेगता हना दिन ञेल लगा असरा दोहोकेडखन बहालतेय दोहोना। अरू हाँय हनाय ञेलतेरा अरूय अहाल बहालयान।”

इबरानी 11:39

बिनिसवासतेरा नँकुःआ जमाकू सुदा भगवान ननाययना। हनते हों हँकू लगाय जबानतेरा हना हँकू अरीनकू पवाःआ।

इपीसी 2:19

ननानाः अते नुँहू अपे दुरीन देसरिकुःआ होड़कू इया कोवापेःआ। मनदो अपे भगवानरिकुःआ सुद होड़कू सुदा मिनी देसरिकुःआ होड़कू हवे अरू अपे भगवानराः ओड़ाःरिकुःआ होड़कूपे बड़ाँवयना।

रूमी 8:24

भगवान अबूय सडावकेडबुःआ। हनालगा नुँहू अबू जीवरे असरा इदा। तोनोंगाः जिनिस अबू एचेरे इदान दो हनानाः जिनिस लगा अबू असरागे लगा कोवानेःआ।

1 पतरस 2:11

ने ईंगरिकुःआ सउंगताकू, अपे नाःआ चउंदीसरे दुरीन देसरिकुःआ होड़कू इयापे दोहोनतना। हनालगा अपे एचे कसूरगे लगा लहरावपेता हना बेलूर ललची ओंगोलकून अड़ाः एंडाय लगा गोड़न-पइयनकेडपेखनिंग असेयतना।

1 पतरस 1:17

अपे अरजी मेला अपांग माःआन कताकेडखनपे रगेयता हाँयग भगवान, जमाकू अँननकूराः बुता इया बेगर पाचपटीतेय फड़ियावकूता। हनालगा अपे नाःआ चउंदीसरे दुरीन देसरिकुःआ होड़कू इया भगवानराः अकूस मनाः घड़ीनपे जियाः।

रूमी 4:21

हाँय सुनुदीबाःकातेरा, ईंग एचेरेय जबानकेरा हाँयग भगवान, हना जबान एचे पुरावगे लगा जंगरदार इदानिया, माःआन।

1 एहुना 3:19

नाःआते अबू सुदीयता अबू सताय भगवानरिकुःआ होड़कू हवे। भगवान अबूराः ओगोलते हों मरंग इदानिया अरू हाँय जमालेःआय सुदीयता।

मती ओजाःतेरा भगवानराः नपाय सरवन 13:17

अपे ईंगपे अयूम! भगवानराः बड़रा कता होड़कू अते मुरुक होड़कू अरू बेगर गारबार होड़कू, अपे ञेञेलतना हना ञेलगे लगा अरू अपे अयुमेतना हना बड़रा अयुमे लगाकू चहाःआ, मनदो हना हँकू मेरकू ञेल अयूम अवेगाड।”

एहुना 12:41

मनदो एसयाह मड़ंगरे ईसूराः मान मरजइतेय ञेलतेरा। हनालगा हाँय हाँय बदीरे नाःआ कताय कता उदुःतेरा।

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

2 कुरिंती 5:6

हनालगा अले डीड़गार इदानलेःआ अरूले सुसुदीतना नाःआ देहरे इदानले मेला परबू ईसू अते तोरेरे इदानलेःआ।

इबरानी 11:14

नाःआ इयाकू कतायता हँकुःआ होड़कू उदुःगेता, अले अँननलेराः देसले ञामतना, माःआन।

इबरानी 11:17

बिनिसवासते इबराहीम, भगवान अंदजावतिडिया हनमेला आँयगरीग मिनीटोंग बेटात इसहाक बलिदान देगगेय लगा सपड़ावयान।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।