इबरानी 10:32 - Korwa Bible

³² अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

इबरानी 10:32 Referans Kwoze

इबरानी 6:4

मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

इबरानी 12:4

कसूर अते जीताः लगा अपे अते तोनोंगीग नुँहू वरी बलंगी मेरपे तूगड।

2 एहुना 1:8

नँकुःआ अडिग जोम होड़कू अते आम सवासितीम दोहोन। हनाते भगवान लगाबू सेवाकेरा, हना सदाःआ ओरो होयानेना अरू भगवान अते आमराः सेवाराः जनामा इमानमे पवाव जुवाःता।

पिलिपी 3:16

दो अबू चेडकिया हनन इया सनालावगोड ञवन लगा इदा।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।

कुलूसी 2:1

ईंग अपे लगा, अरू लउदिकियारे इदानकुःआ हँकुःआ होड़कू लगा मुरुकिंग मिहिनइतगेतना। अरू ईंग सुदा नुँहू वरी मेरकू जुमावगना, हँकुःआ होड़कू लगा हों ईंग मुरुकिंग मिहिनइतगेतना। नाःआ कता अपे सुदीगे लगा ईंग चहाःतना।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

रूमी 12:12

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

इबरानी 5:12

नाःआमिन दिन वरीते अपे चेडदारकूपे बड़ाँव जुवाःकुःआ, मनदो भगवानराः सरवनराः रिता-रिता कताकून हों तोनोंगीग नुँहू वरी अपेके अरू चेचेड पराःतना। अपे केटेग जिनिस जोम जुकूरपे होया जुवाःकुःआ, मनदो नुँहू वरी दुनूदपे ञूगोड ञवनतना।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।