इबरानी 10:25 - Korwa Bible

²⁵ तोनोंग तोनोंग होड़कू संगइती अड़ाःगे लगाकू हेवाकिया। हना इया अबू एटाः होड़कू सुदा संगइतीरे जुमाः लगा अलोबू अड़ाःगे। मनदो मसी कुदा वेगराः बेला निचकाःतना, हनालगा अँननबू अबू अनउरबू कता बहाल होड़ेंग ञवन।

इबरानी 10:25 Referans Kwoze

मूक चेलाकू 2:42

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

मती ओजाःतेरा भगवानराः नपाय सरवन 18:20

बार होड़ सहे पेय होड़ ईंगराः ञावरेकू जुमाःतान दो, हना ततेररे ईंग हँकू तलारेयिंग दोहोनता।”

1 तिसलूनिका 5:11

हनालगा अपे नुँहू वरीपे एचेयतना, हनन इया अपे कता बहाल होड़ेंगगोड ञवनपे, अरू संघरा होड़ेंगगोड ञवनपे।

इबरानी 3:13

अपे सगर दिन कता बहाल होड़ेंगगोड ञवन, जेमहा तोनोंगीग कसूररे अलोय बझाः अरू जीव अलो कटकटगुः।

इबरानी 10:24

अबू एटाः होड़कू अलार-दुलार होड़ेंग लगा अरू नपाय बुताकूनकू एचेय लगा करा इयाबू संघरा अवेवाकूता, हना बदीरेबू ओंगोलगोड ञवन।

1 कुरिंती 5:4

अपे ईसू मसीराः ञावते मिनीरेपे जुमाःतान मेला, अरू ईंग जिनीव जीवरे अपे सुदा परबू ईसूराः जंगरतेयिंग दोहोन मेला,

1 तिसलूनिका 4:18

हनालगा नानाः कता घड़ीन अपे कता बहाल होड़ेंगगोड ञवनपे।

मूक चेलाकू 2:1

पिंतिकूसतराः परोब सोदोरनेन दो जमा बिसवासी होड़कू मिनीरेकू जुमावनेन।

मूक चेलाकू 20:7

हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

1 कुरिंती 14:3

मनदो भगवानराः बड़राय कताता हाँयग होड़, होड़कू एचेरेय कतायता। हाँयराः बड़राते हँकूराः बिसवास बड़ियाड़ जुवाःता, अरू हँकूराः जीव अहाल-बहाल अरू हड़ियाड़ जुवाःता।

रूमी 12:8

तोनोंगीग एटाःकू कता-बहालकू लगा दहिने पवावकियान दो हाँय कता-बाहालगोड ञवनकूय, अरू तोनोंगीग हहटिंग लगा दहिने पवावकियान दो हाँय मिनी जीवकियानखने हटिंगगोड ञवन। तोनोंगीग अगुवाइवाकू लगा दहिने पवावकियान दो हाँय, ईंगराः जिमेवारी इदा माःआन ओंगोलकेडखने अगुवाइगोड ञवन अरू मयावाकू लगा तोनोंगीग दहिने पवावकियान दो हाँय बनाहाल घड़ीने मयावाकू।

पिलिपी 4:5

परबू ओहेने कुदा वेगता। हनालगा अपे सुधिया होड़कू इयापे जियाः।

2 पतरस 3:9

अदोम होड़कू ओंगलेता, परबू अनँयगराः जबान एचे पुरावगे लगा कुबेरगेताय, माःआन। मनदो हाँय मेरेय कुबेरगेतना। हाँय मेरेय चहाःता तोनोंगीग लाय एंडा जुवाः, मनदो जमा होड़कू कसूर अते जीवकू कुदा लगा बेलाकू पवाः लगाय चहाःतना। हनालगा हाँय अपे सुदा सहाव घड़ीन इदानिया।

एकूब 5:8

हनन इया अपे हों सहावगोड ञवनपे। परबू वेगराः बेला निचकाःतना। हनालगा अपे अँननपेराः जीवपे बड़ियाड़गे।

1 कुरिंती 14:23

मनदो कलसियारिकुःआ होड़कू मिनीरेकू जवारगुः मेला, जमाकू मिनी जूदा अनबुझ भासीकू बड़रा अरू दरबार होड़कू सहे बेगर बिसवासी होड़कू अपे एचेरेकू वेग दो हँकू, नँकू बउड़ावयनाकू, माःआन ओरोकू कतावातेडपेःआ जा?

जूदा 1:19

हँकुःआ होड़कू बेगराव हटिंग होड़कू हवे। हँकू अँननकूराः ओंगोल इयाकू जियाःता अरू भगवानराः सुद बिरुवा हँकू मेरेय अगुवाइवाकूता।

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

2 पतरस 3:11

नाःआ इया जमालेःआ पघलाव एंडान लगा इदा दो, अपे करा इया होड़कू बड़ाँः लगा इदा? अपे सुद लूर-नेवनतेःआ अरू भगवानराः ओंगोलरे बेगर गारबारतेःआ जीव जियाः लगा इदा।

1 कुरिंती 11:20

दो अपे मिनीरेपे जुमाःतान मेला, अपे परबू भोज नपायते मेरपे मनाःता।

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

मूक चेलाकू 16:16

दो एनेटाः दिन अले अरजी ततेर अगी सेन मेला, मी होड़ बेगारीन सुदाले जुमावनेना। हाँय एचेरे मीटोंग भूत दोहोना अरू हाँयग भूतते हाँय दरवाःआ हना कताकूने कता उदुःआ। नाःआ अते आँयगरिकुःआ मालिककू लगा मुरुक ढिबुवाय अदेरतेरा।

मती ओजाःतेरा भगवानराः नपाय सरवन 10:15

अपे ईंगपे अयूम! फड़ियावराः दिनरे नाःआ सहररिकुःआ होड़कू, सोदोम अरू गोमोरा सहररिकुःआ बेलूर होड़कू अते बगरा डंडकू पवाःता।”

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

इबरानी 10:37

भगवानराः कागदरे ओजाःतो इदा, “गुनहोन तयोमरे वेग लगा इदानिया हाँय वेगता, अरू हाँय ओरोय कुबेरतेरा।

इबरानी 13:22

ने अजी बोपोकूतिंग, ईंग नाःआ चिठीरे अनादोम कताकूनिंग ओजाःकेरा। हनालगा अपे एचेरेयिंग असेयतना, नाःआ चिठीरे ओजाःतो इदा हना कताकून नपायतेपे अयूम ठुड़ावगे।