11 दो पुजउरीकू सगर दिन टपइर ओड़ाः पेंदारे चड़ाँकियानखनकू सेवागोड ञवनता अरू हनानाः बलिदानकून घड़ी घड़ीकू देगगोड ञवनता। मनदो हना बलिदानकूनते होड़कूराः कसूरकून कहियो मेर बराव एंडा अवेयता।
अरू बएल अरू मेरोमकूराः बलंगीते होड़कूराः कसूर कहियो ओरो बराव एंडानेना।
होड़कू अते सुनावतो मी होड़ होड़ हवे मूक पुजउरी। हाँय भगवानराः कताकून बदीरे होड़कू अगीते बिच-बिचवाई होड़े दोहोनता। हाँय हँकू लगा दान अरू कसूरराः बदलारे बलिदान भगवाने एमेवाता।
एटाः पुजउरीकू इया हाँय सगर दिन मड़ंग अनँयगराः कसूर लगा अरू हना तयोमते होड़कूराः कसूर लगा बलिदान एएमे लगा कोवानेःआ। हाँय मिनी तुरहा होड़कूराः कसूर लगा अनँयग बलिदानकियानखने पुरावगोतेडा।
दरवाःआ हना सताय नपाय कताकूनराः उंबूल इया मोसेसराः नियमकून इदा। हनालगा सगर बरिस मिनी बरानाः बलिदान घड़ी घड़ी एमेय लगा भगवान एचेरेकू वेगता, हँकुःआ होड़कू हना बलिदानते कहियो ओरोकू उडु-बुडूनेना।
अरू तोनोंगीग होड़ मेरकू तुलागरा, मनदो भनगवान तुलाकेरा हना सुद ततेर अरू सताय टपइर ओड़ाःरे हाँय सेसेवातना।
चउंदीसरे मोसेस एमेतेरा हना नियमकून इया दान एएमे लगा लेवी गोतोररिकुःआ मुरुक पुजउरीकू इदानकुःआ। हनालगा नाँय नाःआ चउंदीसरे दोहोकुः दो पुजउरी ओरोय बड़ाँवकुःआ।