गलातिया 6:7 - Korwa Bible

⁷ तोनोंगीग होड़ ओंगलेता, ईंग भगवानिंग अडिग अवेयता दो हाँय अनँयग आँयगे अडिग जोमता। होड़कू वेरता हनानाः जिनिसकू ईरता।

गलातिया 6:7 Referans Kwoze

2 कुरिंती 9:6

नाःआ कता उहियारगेपे, “गुनमिने वेरता, हाँय गुनुनमिने ईरता, मनदो बगराय वेरता, हाँय बनागराय ईरता।”

1 कुरिंती 15:33

अलोपे अडिगगुः। बेलूर सउंगताकू नपाय लूरकू आडगोडता।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

1 कुरिंती 6:9

अपे मेरपे सुसुदीतना जा गारबार होड़कू भगवानराः राइजरे इताडदारकू ओरोकू बड़ाँवनेना? तोनोंगीग अपे अहाकू अडिग अवेपे। एटाःकू सुदा बेलूर बुताकून बुता होड़कू, अरू मुरती सेवा होड़कू, अरू बियाहगुः तयोमते सनहा-सनही एचे होड़कू, अरू बंदरा होड़कू, अरू मनारद मरदकू सुदा घोड़ा होड़ेंग होड़कू,

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

एकूब 1:22

भगवानराः सरवन अअयूम एकलाते अँननपे अपे अडिग जोम होड़कू अलोपे बड़ाँः। मनदो हना सरवन इयाकू सलाःता हँकुःआ होड़कूपे बड़ाँः।

1 एहुना 3:7

ने ईंगरिकुःआ लइंकू इया होड़कू, अपे तोनोंग बेला तोनोंगीग होड़ अलोय अडिग अवेपे। ईसू मसी नपाय इदानिया अरू नपाये एचेयता हनाँयग होड़ ईसू मसी इया नपाय होड़ हवे।

गलातिया 6:3

मनदो अपे अते तोनोंगीग होड़ हुडिंग इदानीग हों, हाँय अनँयग आँयगते मरंगे उंगलुःता दो हाँय अनँयग अडिग जोमता।

एकूब 1:26

तोनोंगीग होड़ ओंगलेतना, ईंग भगवानराः ओंगोल इयायीग होड़ हवे, मनदो हाँय सोझायीरे बड़राता दो हाँय अनँयग आँयग अडिगगुःतना अरू हाँयराः लूर-नेवन भगवान जुकूर कोवानेःआ।

1 कुरिंती 3:18

अपे अँननपे अहापे अडिग जोम। अपे अते तोनोंगीग नाःआ चउंदीसराः ओंगोल इया कनहूनदारे ओंगलुःतान दो, हाँय मड़ंग अनँयग बेगर कनहूनदारे ओंगलुः, हनेःएना कनहूनदारे बड़ाँव अवेनता।

1 एहुना 1:8

अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

लूका 21:8

दो ईसू कताया, “तोनोंगीग अपे अहाकू बहकाव अवेपे लगा सवासितीपे दोहोन। मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे, माःआन। अरूकू कतायता, चउंदीस टुटीगगुःराः बेला सोदोरयना, माःआन। मनदो अपे हँकू तयोम अलोपे सेन।

जूदा 1:18

हँकू अपे एचेरेकू कतातेरा, चउंदीस टुटीगगुः अते मड़ंगाः बेला परबू अरू आँयगरिकुःआ होड़कूकू लंदावाता हँकुःआ होड़कू वेगता अरू जमा बरानाः बेलूर बेलूर बुताकूनकू एचेयता, माःआन।

2 तिसलूनिका 2:3

तोनोंग इया तोनोंगीग होड़ अपे अहाय अडिग अवेपे। होड़कू भगवान बदीरेकू अगड़-बगड़गोडता अरू कसूर रबूद होड़ अरीने एचे ञिलुः हना वरी, हना दिन ओरो होयानेना।