गलातिया 6:16 - Korwa Bible

¹⁶ नाःआ इयाकू सलावगोड ञवनतना हँकुःआ होड़कू, सतायरे भगवानरिकुःआ इसराएल होड़कूकू बड़ाँःता। अरू भगवान हँकुःआ होड़कूय सोगावा अरू सलसतरेकू दोहो ओवा।

गलातिया 6:16 Referans Kwoze

गलातिया 3:29

अरू अपे ईसू मसीरिकुःआ होड़कू इदानपेःआ दो इबराहीमरिकुःआ नइड़-बाँस होड़कूपे बड़ाँवकिया अरू जबान इया इताडदारकूपे बड़ाँवकिया।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

पिलिपी 3:16

दो अबू चेडकिया हनन इया सनालावगोड ञवन लगा इदा।

गलातिया 5:25

अबू सुद बिरुवा अगीते नँवा जीवबू पवावकिया दो, हाँयराः अगुवाइते सनालावगोड ञवन लगा इदा।

गलातिया 5:16

मनदो ईंग कतायतना, सुद बिरुवाराः अगुवाइरेपे सलाव ञवन अरू अपेराः बेलूर ओंगोल इया अलोपे सलाः।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

एहुना 14:27

ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

पिलिपी 4:7

हनन इयापे एचेय दो ईसू मसी सुदा मिनीयान अते भगवान अपेराः जीव अरू ओंगोल सलसतरेय दोनोहोगोडता। अबू मनुवाकू नाःआ सलसत, कहियो ओरोबू सुदी तजाः अवेतेरा।

गलातिया 1:3

अबूरीग अपांग भगवान अरू परबू ईसू मसी, अपेकिन मयावा, अरू सलसतरेकिन दोहो ओवापे।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

इपीसी 6:23

अबूरीग अपांग भगवान अरू परबू ईसू मसी अपेराः जीवे सलसतगे अरू अँननपे अपे अलार-दुलार होड़ेंग घड़ीन, ईसू मसी एचेरेपे बिसवासगोड ञवन लगायिंग अरजीतना।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।

जूदा 1:2

भगवान बनागरा अपेय सोगावा अरू दुलार घड़ीन अपेराः जीवे सलसतगे।