गलातिया 6:14 - Korwa Bible

¹⁴ मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

गलातिया 6:14 Referans Kwoze

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

1 कुरिंती 2:2

दो हनमेला ईंग ईसू मसी बदीरे अरू कुरूसरे हाँयराः गुजुः बदीरे एकला अपे एचेरे कताय लगायिंग ओंगोल दोहोबाःकातेरा।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

1 कुरिंती 3:21

होड़कूराः बदीरे अहापे बड़वार। जनामा अँननपेराः हवे,

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

रूमी 6:2

नाःआ इया कहियो ओरो होयानेना। अबू कसूर जीव जियाः लगाबू अड़ाः एंडागोतेडा दो, अरूबू कनासूरगोड ञवनता जा?

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

गलातिया 2:17

अले एहूदाकू ईसू मसीते कसूर अते फड़ियावतो होड़कू बड़ाँवले लगाले ञामगेता। मनदो अले हों बेगर एहूदाकू इया कसूर होड़कू इदानलेःआ। दो ईसू मसी अलेय एचे कसूरलेता, जा? नाःआ इया कहियो ओरो होयानेना।

गलातिया 2:19

ईंग मेरिंग मनाव अवेगान हनानाः नियमते ईंग कसूर बदीयना। दो ईंग हना नियम मनाव पुरावगे लगायिंग अड़ाःगोतेडा, जेमहा ईंग भगवान लगायिंग जियाव अवेन। ईंग मसी सुदा कुरूसरे गोएगतो इदानिंगा,

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

पिलिपी 3:18

ईंग मड़ंगरे अपे एचेरे मुरुकिंग कता उदुःवाडपेःआ अरू नुँहू हों ईंग अपे एचेरे इनियाम घड़ीनिंग कता उदुःगेतना, मुरुक होड़कू मसीराः कुरूसरिकुःआ मुदइ होड़कू इयाकू जियाःतना।

कुलूसी 2:20

अपे राइजबड़ी बदीरे मड़ंग जूगरिकुःआ होड़कूराः चेडतो लगा ईसू मसी सुदा गोएगतो इया इदानपेःआ। दो अपे चिला लगा नँकुःआ होड़कूराः नियमकून इयापे सलाःतना?