गलातिया 6:10 - Korwa Bible

¹⁰ हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

गलातिया 6:10 Referans Kwoze

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

1 तिसलूनिका 5:15

तोनोंगीग अपे सुदा बेलूरे एचेय दो, हान इया अपे बदला अहापे कुदागे। मनदो अपे जमा बेला बिसवासी होड़कू लगा अरू एटाः होड़कू नपाय एचेगोड ञवन लगा ओसताजपे दोहोन।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

इपीसी 2:19

ननानाः अते नुँहू अपे दुरीन देसरिकुःआ होड़कू इया कोवापेःआ। मनदो अपे भगवानरिकुःआ सुद होड़कू सुदा मिनी देसरिकुःआ होड़कू हवे अरू अपे भगवानराः ओड़ाःरिकुःआ होड़कूपे बड़ाँवयना।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

एहुना 9:4

रइत सुदुरुःतना, अरू हनमेला तोनोंगाः बुता ओरोबू एचे अवेतेरा। हनालगा ईंगे वारकेरा हाँयराः बुता दिनीने दिनरे एएचे लगा इदा।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

पिलिपी 4:10

ने अजी बोपोहकूतिंग, अपे मुरुक दिन तयोमरे ईंग अरू संघरावायिंग लगा सपड़ावतो इदानपेःआ। हनालगा अपे बदीरे ईंग मुरुक बहालरे इदानिंगा। अपे ईंग संघरावा लगापे ओंगलेःआ, मनदो अपे दाव मेरपे पवावगान। हनालगा अपे ईंग मेरपे संघरा अवेवागडिंग।

मती ओजाःतेरा भगवानराः नपाय सरवन 12:50

सेरमो देसरे इदानिया ईंगरीग अपांगराः ओंगोल इयाकू जियाःता हँकुःआ होड़कू ईंग अया अरू बोपोकूतिंग अरू मेमेसकूतिंग हवे।”

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

इपीसी 5:16

नाःआ जूगरे मुरुक बेलूर कताकून होयाःता। हनालगा अपे सगर बेलापे उपियोतगे।

1 एहुना 5:1

ईसू, मसी हवे माःआने बिसवासगेयता हाँयग होड़ भगवानरीग लँइग हवे। अरू हाँयरीग अपात सुदाय अलार-दुलारता हाँय आँयग अपातरिकुःआ लइंकू होंय अलार-दुलारकूता।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

मरकूस 3:4

हनते ईसू हँकू एचेरेय होंबोरतेरा, “लोड़ोनराः दिनरे नियम इया नपाय एचे लगा इदा जा बेलूर? जीव बनसावगे लगा इदा जा ञेड एंडा लगा इदा?” मनदो हँकू कलेकालकू दोहोना।

इपीसी 3:15

हाँय अगीते सेरमो अरू ओतरिकुःआ जनामाकू अँकूराः ञावकू पवाःता।

मती ओजाःतेरा भगवानराः नपाय सरवन 5:43

“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा, आमरीग परुसीम अलार-दुलारगेय? अरू अपेरिकुःआ मुदइकूपे हिनइस-बिनइसवा।

मती ओजाःतेरा भगवानराः नपाय सरवन 10:25

मनदो चेला चेडदारतेन सुदा अरू तोनोंगीग सेवकिया आँयगरीग मालिक सुदा बरोबइरगुः दो हाँय संतोकगे लगा इदा। हँकुःआ होड़कू, ओड़ाः मालिकतुकू दरहा माःआनकू कतावायता दो, ओड़ाःरिकुःआ एटाः होड़कू चिला लगा मेरकू ओपताकेःआ?

मूक चेलाकू 6:7

दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।

गलातिया 1:23

मनदो हँकुःआ होड़कू ईंग बदीरे नाःआ इयाकू अयूमकेरा, मड़ंगरे अबूय संतावतेरा अरू नाःआ दूररिकुःआ होड़कूय लाय एंडातेरा हनाँयग होड़ नुँहू हनानाः नपाय सरवने परसारगेतना।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिसलूनिका 5:21

मनदो होड़कू कतायतना हना जमा बड़रापे जास अरू ननपाय इदा हनापे मनाः।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

1 पतरस 4:17

भगवानरिकुःआ होड़कू भगवान फड़ियावकूराः बेला सोदोरकिया। अरू फड़ियावगे लगा अँननबू अतेय बुँहड़ीगेता दो, भगवानराः नपाय सरवन मेरकू बिसवासगेता हँकुःआ होड़कूराः जीव करा इया होयाःता?

3 एहुना 1:3

आम अगीते ईंग एचेरेकू वेगकिया हँकुःआ बिसवासी होड़कू कता उदुःतेरा, गयूस सताय सरवनराः बिसवासगेयीग होड़े दोहोना अरू हना सताय सरवन इयाय जियाःतना, माःआन। नाःआ बड़रा अयूमकेडखन ईंगराः जीव मुरुक बहालयना।

3 एहुना 1:10

हाँय एटाः होड़कू एचेरे बेलूर ओंगोलते अले बदीरे बड़राय बहकावगोड ञवनता। हनाते हों हाँय मेरेय राजूगान अरू हाँय बिसवासी होड़कू मेरेय नेत-नेवारकूतना। एटाः होड़कूकू नेत-नेवारता हँकुःआ होड़कूय रोंकावतना अरू हँकुःआ होड़कू कलसियारिकुःआ होड़कू अते एटाःगोडकूतनाय। हनालगा ईंग हंडा सेने दो हाँय एचेकेरा हना जमाकूनिंग उहियार अगूयता।

2 कुरिंती 2:8

हनालगा ईंग अपे एचेरेयिंग असेयतना, अपेराः दुलार हाँयपे एचे सुदीबाःगोडेय।