गलातिया 5:11 - Korwa Bible

¹¹ ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।

गलातिया 5:11 Referans Kwoze

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

गलातिया 6:12

अपे खतनापे लगाकू रेनहापेता, हँकुःआ होड़कू एटाः होड़कू एचेरे अँननकू अँकू बदीरे ईंग मरंग इदानिंगा, माःआन उदुःगुः लगाकू चहाःतना। ईसू मसीराः कुरूसराः गुजुः एकलाते होड़कू सडाव जुवाःता, माःआन परसारगे अते एहूदाकू हँकूकू संतावकूता। हनालगा हँकू अपे खतनापे लगाकू रेनहापेता।

गलातिया 4:29

होड़राः ओंगोलतेय जनमावनेना हाँयग लँइग भगवानराः बिरुवातेय जनमावनेना हाँयग लँइगे संतावतेरा। ननन इया नुँहू हों होयाःतना।

गलातिया 2:3

तितूस बेगर एहूदा होड़े दोहोना। हनते हों एरुसलेमरे ईंग सुदाय दोहोन मेला, हाँय खतनागेय लगा मेरकू रेनहागडीग।

1 कुरिंती 15:30

भगवान गोएगतो होड़कू मेरेय जियाव रेमकेकुः दो अले जमा बेला चिला लगा कटसियाले सहावकेःआ?

मूक चेलाकू 21:21

मनदो आम बदीरे हँकुःआ एहूदाकू एचेरे तोनोंगीग लालिसकेडखने कताया, हाँय बेगर एहूदाकू तलारेय दोहोनता अरू हँकुःआ एहूदाकू अँकूरिकुःआ लइंकू खतनाकू लगा कोवानेःआ अरू मोसेसराः नियम इया तोनोंगाः रिती-बिधी एचेय लगा कोवानेःआ माःआने चेड उदुःवालेतना।

गलातिया 6:17

ईंग ईसूरीग मूक चेला हवे अरू हनाराः चिनहा इया ईंग इनिंग देहरे कटसियाराः जोरोडिंग गोः चुवेरगेता। हनालगा अपे तोनोंगीग नुँहू वरीते ईंग अहापे हलकइनगींग।

1 कुरिंती 1:18

कुरूसराः सरवन लाय एंडन होड़कू लगा बुयांग बड़रा हवे, मनदो अबू भगवानते एचे सडावगुः होड़कू लगा हना सरवन भगवानराः जंगर उदुःता।

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 16:3

दो पउलूस हाँयग तिमुतियूस आँयग सुदा गोःगेय लगाय चहाःआ। हंडाकुःआ एहूदाकू सुसुदीःआ हाँयग तिमुतियूसराः खतना मेर होयागान अरू हाँयरीग अपात बेगर एहूदा होड़े दोहोना। हनालगा पउलूस तिमुतियूसे एचे खतनातेरा।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?