गलातिया 4:9 - Korwa Bible

⁹ मनदो नुँहू अपे भगवानपे सुदीकेरा, बलकि भगवान अपेय सुदीकेडपेःआ। दो अपे हनानाः बेगर लूर अरू सदाःआ नियमकून, मनाः लगा चिला लगापे बहुराःतना? दो हना नियमकूनपे मनाः अते अपे हना नियमकूनराः आड़रे अरूपे दोहो जुवाःता।

गलातिया 4:9 Referans Kwoze

1 कुरिंती 8:3

मनदो तोनोंगीग भगवाने दुलारता दो, भगवान हाँये सुदीता।

गलातिया 3:3

अपे नाःआ इया करा इयापे बोको-डोंडोयना? सुद बिरुवा अपे जीवरेय बुँहड़ीकेरा, हना बुता अपे अँननपेराः ओंगोलते पुरावगे लगापे कुरनिसगेतना जा?

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

इबरानी 7:18

मड़ंगाः नियम अबड़ अरू सदाःआ दोहोना अरू हना नियम तोनोंगाः उडु-बुडू मेर बड़ाँव अवेगाड।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

1 कुरिंती 13:12

नुँहू अबू अइनारे उंबूलताबू ञेलता हना इया कोयोल कोयोलबू ञेञेलतना। मनदो हनमेला अबू मुहा-मुहीबू ञेलता। नुँहू ईंग एचेरे गुनुनमिन कनहून इदा। मनदो भगवान ईंग बदीरे उडु-बुडूय सुदीकेरा हनन इया हनमेला ईंग हों उडु-बुडूयिंग सुदीगोडता।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

एहुना 10:27

ईंगरिकुःआ भेड़ाकू ईंगराः अरोकू अयूमता। ईंग हँकूयिंग सुदीता अरू हँकू इनिंग देह दूरकू वेगता।

एहुना 10:14

नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

1 कुरिंती 15:34

भगवान मेरकू सुदीयता हँकुःआ होड़कू इया अपे अते तोनोंग तोनोंग होड़कू जियाःतना। हनालगा अपे गियू जुवाः लगा नाःआ इयायिंग कतायतना, नपायपे सुरतान अरू कसूरगे लगापे अड़ाः एंडागोड।

2 कुरिंती 11:20

हँकू अपे बेगारी होड़कूकू बड़ाँवगोडपेता, अरूकू अडिग एंडागोडपेता, अरू अपे अते नफाकू उडुंगता, अरू अपे मड़ंगरे हँकू अँननकू मरंगकू बड़ाँःता, अरू अपेकू चपड़ता हों अपे हँकूपे सहावयाता।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

लूका 5:38

हनालगा नँवा रस नँवा बगलीरे सोसोलोंग इदा।