गलातिया 4:30 - Korwa Bible

³⁰ मनदो नियमकून कागदरे चेले माःआन ओजाःतो इदा? अजइततो अइमीरीग बेटात सुदा बेगारी अइमीरीग बेटात इताडदार ओरोय बड़ाँवनेना। हनालगा बेगारी होड़ अरू आँयगरीग बेटात उडुंगगोडकिनपे।

गलातिया 4:30 Referans Kwoze

एहुना 8:35

अरू तोनोंगीग बेगारी होड़ सगर दिन मालिक ओड़ाःरे मेरेय दोहोनता। मनदो मालिकरीग बेटात अपात सुदा सगर दिने दोहोनता।

एकूब 4:5

भगवानराः कागदरे ओजाःतो इदा हना कता सदाःआ इदा माःआनपे ओंगलेता जा, अबू जीवरे दोहोन लगाय एमेकेरा हाँयग सुद बिरुवा बदीरे भगवान मेरेय तरसाःता जा?

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

गलातिया 3:8

मड़ंग जूग वरीते भगवानराः कागदरे नाःआ इया ओजाःतो इदा, बेगर एहूदाकू भगवान एचेरेकू बिसवासगे अते, कसूर अते फड़ियावतो होड़कूय बड़ाँवकूता। अरू भगवान नाःआ सरवन इबराहीम एचेरेय कतातेरा, “आम अते चउंदीसरिकुःआ जमा जइत होड़कू नपाय जीव-जहनतेकू दोहोनता।”

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

रूमी 4:3

भगवानराः कागदरे नाःआ इया ओजाःतो इदा; “इबराहीम भगवान एचेरेय बिसवासतेरा, हनालगा भगवान अनँयग ओंगोलरे हाँय बेगर गारबार होड़े ओंगोलबाःकातेरिया।”

गलातिया 4:22

भगवानराः कागदरे ओजाःतो इदा; इबराहीमरिकिनाः बार होड़ लइंकिन दोहोना। मी होड़रीग एंगात बेगारी होड़, हजीरा दोहोना। अरू मी होड़रीग एंगात इबराहीमरीग अइमी, साराह दोहोना अरू हाँय बेगारी होड़ कहियो मेरेय दोहोगान।

गलातिया 4:31

दो ईंगरिकुःआ अजी बोपोहकूतिंग, अबू बेगारी अइमीरिकुःआ लइंकू ना लवे, मनदो अबू अजइत अइमीरिकुःआ लइंकू हवे।