गलातिया 4:19 - Korwa Bible

¹⁹ ने ईंगरिकुःआ लइंकू, ईसू मसीराः लूर-नेवन इया अपेराः लूर-नेवन अरीन होयाः वरी, ईंग अपे लगा लरकुरहिया अइमी इया कटसियायिंग सहावगोड ञवनता।

गलातिया 4:19 Referans Kwoze

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

इपीसी 4:13

अबू जमाकू बिसवास बदीरे अरू भगवानरीग बेटातराः सुदी बदीरे मिनी ओंगोलते ईसू मसी इया जमालेःआते उडु-बुडू अरीनबू होया जुवाः वरीते नाःआ इयाःआ सेवाकून सनालावगोड ञवन लगा इदा।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

इपीसी 4:24

अरू भगवान इया बेगर गारबार अरू सुद बड़ाँवकेडखन नँवा जीव सतायरेपे जियाः लगा इदा।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

कुलूसी 3:10

अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

पिलिपी 2:5

ईसू मसीराः लूर-नेवन दोहोना हनन इया, अपेराः लूर-नेवन हों होयाः लगा इदा।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।

पिलेमोन 1:10

ईंग बेटा इया इदानिया अरू ईंग अगीते जेनेहेलरे ईसू मसी एचेरेय बिसवासकेरा हाँयग उनेसिमूस संघरावाय लगा ईंग आम एचेरेयिंग असेयतना।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 2:1

ईंग अपे लगा, अरू लउदिकियारे इदानकुःआ हँकुःआ होड़कू लगा मुरुकिंग मिहिनइतगेतना। अरू ईंग सुदा नुँहू वरी मेरकू जुमावगना, हँकुःआ होड़कू लगा हों ईंग मुरुकिंग मिहिनइतगेतना। नाःआ कता अपे सुदीगे लगा ईंग चहाःतना।

पिलिपी 2:17

भगवान एचेरे अपेराः बिसवास अरू सेवा भगवान लगा दाः बलिदानकू दूलता हना इया इदा। अरू हना बलिदान पुरावगे लगा ईंगके गुजुः हों पराः, हनारे हों ईंग अपे सुदायिंग बनाहाल जुवाःता।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

1 एहुना 5:21

ने ईंगरिकुःआ लइंकू इया होड़कू, अपे मुरतीकून अते तोरेपे दोहोन।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।

इबरानी 5:7

ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।

तितूस 1:4

मिनी बिसवासते इदानलिंग अते ईंगरीग सताय बेटा तितूस, आम लगा नाःआ चिठीयिंग ओजाःगेतना। अपांग भगवान अरू अबूरीग सडावदार ईसू मसी आमकिन मयावा अरूकिन सलसतमे।

पिलेमोन 1:19

ईंग पउलूस इनिंग तिःईते नाःआ चिठीयिंग ओजाःगेतना। उनेसिमूस आम लगा एएमे इदा, हना इनिंग जमनींगता। मनदो अहम लिड़िंगे आम हों ईंगते बिसवासी होड़मे बड़ाँवयना। हनालगा आमराः जीवराः करजा कड़हाव होड़ इनिंग हवे।

1 तिमुतियूस 1:2

बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

लूका 22:44

ईसूराः जीव अगम सिकिसतारे परावनेना अरू हाँय कुहकाः घड़ीने अरजीःआ। अरू हाँयराः उगार दाः, बडे बडे बलंगी इया उडुंगगुः घड़ीन जोरोःआ।

2 कुरिंती 12:14

अयुमेपे! ईंग अपे एचेरे पेय पुरती सेन लगा सपड़ावतो इदानिंगा। ईंग अपेराः आन-धान कोवान, मनदो अँननपेयिंग चहाःतना। हनालगा ईंग तोनोंगाः बोझा अपे लगा ओरोयिंग ओवातेडपेःआ। लइंकू एंगा-अपाकू लगा कोवान, मनदो एंगा-अपा लइंकू लगा आन-धान बटुड़ावगे लगा इदा।

1 तिसलूनिका 2:7

अरू एंगात अनँयगरिकुःआ लइंकूतेने पला दरीता हनन इया अले हों अपे तलारे सुधाले दोहोनेना।

3 एहुना 1:4

आम अरू एटाः बिसवासी होड़कू सताय सरवन इयापे जियाःतना। हनालगा अपे ईंगराः जीव मुरुकपे बहालगोतेडा।