गलातिया 3:23 - Korwa Bible

²³ मनदो भगवान अबू बिसवासराः दूर अरीने उदुःवाबू वरी अबू एहूदाकूराः नियमकून मनाः घड़ीन हनानाः नियमकूनराः आड़रे सींगतो होड़कू इयाबू दोहोना।

गलातिया 3:23 Referans Kwoze

गलातिया 5:18

सुद बिरुवा अपे अगुवाइवापेता, दो अपे मोसेसराः नियमराः आड़रे कोवापेःआ।

गलातिया 3:19

दो नाःआ नियमकून चिला लगा भगवान अबूय एमेवातेरा? अबू कसूर होड़कू हवे माःआन उदुःगे लगाय एमेतेरा। मड़ंगरे भगवान जबानतेरा हाँयग नइड़-बाँस होड़ अरीने वेग वरी नाःआ नियमकून सलावनेना। अरू नाःआ नियमकून सेरमोरिकुःआ बराहीलकूते मोसेस बिच-बिचवाई होड़ साबतेडखन होड़कू एचेरे भगवान कता उदुःतेरा।

रूमी 11:32

जमा होड़कू भगवानराः कताकून टड़ाव एंडातेड अते तोलतो होड़कू इयाकू बड़ाँवयना, जेमहा भगवान हँकू जमाकूय मया अवेवा।

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 11:13

हँकू जमाकू बिसवासकेडखनकू गोएगयान। अरू भगवान जबानतेरा हना हँकू मेरकू पवावगान। मनदो भगवान जबानतेरा हनाकून हँकू लनंकाते ञेलकेडखनकू अहाल बहालयान अरू हँकू अबू चउंदीसरे दुरीन देसरिकुःआ होड़कू इया इदानबुःआ, माःआनकू मनावयान।

गलातिया 4:21

अपे मोसेसराः नियमकून मनाः घड़ीन दोहोन लगापे चहाःतना दो, अपे ईंगपे उदुःवा। अपेराः नियमकून चेले माःआन कतायता, हना अपे मेरपे सुदीयतना जा?

एहुना 3:34

भगवान अनँयग सुद बिरुवा मिनी जीवकेडखने एमेयता। हनालगा भगवान वारकिरिया हाँयग होड़, भनगवानराः कताकूने कता उदुःता।