गलातिया 3:15 - Korwa Bible

¹⁵ ने अजी बोपोहकूतिंग, सगर दिनाः कताकून अते मीटोंग कतायिंग कतायता। होड़कूराः कता-जमकावतो तोनोंगीग मेरकू टड़ावगेता अरू मेरकू बदलायता।

गलातिया 3:15 Referans Kwoze

इबरानी 9:17

तोनोंगाः जबान चिठी पका-निका होयाः लगा इदान दो, मी होड़ गुनुजुः पराःता। हनालगा जबान चिठीय तुलाकेरा हाँयग होड़ गोएग जुवाःताय हना तयोमते हाँयराः जबान पका-निका जुवाःता।

रूमी 6:19

अपे ओहेनपे बुझाव अवेन लगा ईंग मीटोंग बड़रायिंग ककतातना। मड़ंगरे अपे अँननपेराः देह दगलीकून कसूर अरू बेनेलूर बुताकून एचेय लगापे जिमातेरा। दो नुँहू अपे हनन इया अपेराः देह दगलीकून, नपाय बुता एचेय लगा अरू अपेराः जीव सुद होयाः लगा, भगवान एचेरेपे जिमा एंडागोड।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

1 कुरिंती 15:32

अरू इपीसी सहररिकुःआ होड़कू ईंग मुरुककू घंटावतिरिंगा अरू पहाड़ जानरकू इया ईंग सुदाकू लड़ाइनेना। गोएगतो होड़कू मेरकू जियाव रेमकुः दो नाःआ इयाःआ घंटाव चिला लगायिंग सहावकेःआ? गोएगतो होड़कू ओरोकू जियाव रेमनेन दो, “गपामिन अबू गोनेग जुवाःता, दो मान हमा अबू जोम-ञूय अरूबू मंजागे।”

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

गलातिया 6:18

ईंगरिकुःआ अजी बोपोहकूतिंग, परबू ईसू मसी अपेराः जीवे मयावा। आमीन!

इबरानी 6:13

भगवान इबराहीम एचेरेय जबानगेःआ हनमेला किरियाय जोमतेरा। मनदो हाँय किरियाय जोम मेला, आँयग अते मरंग तोनोंगीग मेरकू दोहोगान। हनालगा हाँय अनँयग आँयग अते किरिया जोमकेडखने कतातेरा,

इबरानी 6:16

होड़कू अँननकू अते तोनोंगीग मरंगीगराः किरियाकू जोमता अरू हँकूराः तोनोंगाः अड़ा-चउकी किरिया जोमकेडखनकू फड़ियावगेता।