गलातिया 3:12 - Korwa Bible

¹² भगवानराः कागदरे नाःआ इया ओजाःतो इदा; “मी होड़ नियमकून जमालेःआय मनाःतान दो, हननते हनाँयग होड़ जीयते दोहोनता।” हनालगा नियमकून मनाः इदान दो बिनिसवासगे लगा कोवानेःआ।

गलातिया 3:12 Referans Kwoze

रूमी 4:14

दो होड़कू नियमकून मनावकेडखन इताडदारकू बड़ाँःता दो, भगवान एचेरे बिसवासगेय लगा कोवानेःआ, अरू भगवानराः जबान हों सदाःआ होयाःता।

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

रूमी 11:6

भगवान अबू नपाय बुताकूनबू बुताःआ हना अते मेरेय सुनावगडबुःआ, मनदो भगवान अनँयग मयावाडबूखने सुनावकेडबुःआ। हाँय अबूराः नपाय बुता अतेय सुनावकेडबुः दो हाँयराः मया सदाःआ होया जुवाःकुःआ।

मती ओजाःतेरा भगवानराः नपाय सरवन 19:17

दो ईसू हाँयग होड़े कतावाड, “नपाय चिला हवे हना बदीरे आम ईंग एचेरे चिला लगाम होंबरेतना? भनगवान एकला नपाय इदानिया। आम ओरो टुटीगनेना हना जीव पवाः लगाम चाहाःतान दो भगवानराः नियमकूनमे मनाः।”

रूमी 7:10

ईंग, जीव पवाः लगा दोहोना, हनानाः नियमिंग टड़ाव एंडाकेरा अरू हनानाः नियमतेयिंग गोएगयना।