गलातिया 2:21 - Korwa Bible

²¹ नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

गलातिया 2:21 Referans Kwoze

रूमी 11:6

भगवान अबू नपाय बुताकूनबू बुताःआ हना अते मेरेय सुनावगडबुःआ, मनदो भगवान अनँयग मयावाडबूखने सुनावकेडबुःआ। हाँय अबूराः नपाय बुता अतेय सुनावकेडबुः दो हाँयराः मया सदाःआ होया जुवाःकुःआ।

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

इबरानी 7:11

भगवान अनँयगरिकुःआ एहूदाकू नियमकूने एमेवातेरा हनमेला लेवीरिकुःआ नइड़-बाँस होड़कू पुजउरी बुता लगाय हेलावतेडकुःआ। मनदो हँकुःआ पुजउरीकू भगवान मड़ंगरे होड़कू उडु-बुडू मेरकू बड़ाँव अवेगान। हनालगा हनानाः पुजउरी बुता लगा भगवान एटाः मी होड़े वारतिरिया। हाँयराः पुजउरी बुता मलिकिसिदिकराः इया दोहोना अरू लेवी गोतोररीग हारूनराः खुटिपहार वरीते सलाव वेगतना हना पुजउरी बुता इया कोवानेःआ।

1 कुरिंती 15:14

अरू ईसू मसी गोएगतो होड़कू अते मेरेय जियाव रेमकुः दो, अलेराः परसार हों सदाःआ होयाकुःआ अरू अपेराः बिसवास हों सदाःआ होया जुवाःकुःआ।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

रूमी 10:3

भगवान करा उड़ी होड़कू बेगर गारबार होड़कूय बड़ाँवकूता, हना हँकू मेरकू सुदीयतना। अरू हँकू अँननकू अँकूते बेगर गारबार होड़कू बड़ाँः लगाकू कुरनिसगेतना। हनते हों हँकू भगवानराः ओंगोल इया बेगर गारबार होड़कू मेरकू बड़ाँव अवेगना।

1 कुरिंती 15:2

ईंग अपे एचेरेयिंग कता उदुःतेरा हनानाः नपाय सरवनते भगवान अपेय सडावकेरा। मनदो अपे हना सरवन अपे इंदरीरे दोहोकेडखन मेरपे सलावकुः दो अपेराः बिसवास सदाःआ होया जुवाःकुःआ।

गलातिया 2:18

ईंग बिसवासते कसूर अते फड़ियावतो होड़िंग बड़ाँवनेना। अरू हना ईंग अड़ाःकेडखन अरू एहूदाकूराः नियम मनाः लगायिंग सेन दो उलात जोम होड़ इयायिंग बड़ाँःता अरू ईंग इनिंग कसूर होड़ इदानिंगा माःआनिंग उदुःबाःगुःतना।

रूमी 8:31

भगवान अबू लगा नाःआ इया ननपाये एचेकेरा दो हना बदीरे अबू चेले माःआनबू कतायता? सतायरे, भगवान अबू अगी इदानिया, दो इये अबूय घंटाव अवेबूता?

मरकूस 7:9

ईसू अरू हँकू एचेरेय कतातेरा, “अपे भगवानराः नियमकून चलाःकेडखन अँननपेराः रिती-बिधी सलाव लगा एटाः दूरपे ञामकेरा।

1 कुरिंती 15:17

ईसू मसी गोएगतो होड़कू अते मेरेय जियाव रेमकुः दो अपेराः बिसवास सदाःआ होया जुवाःकुःआ अरू अपे कनासूर कसूररेपे दोहो जुवाःकुःआ।

रूमी 4:25

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।