गलातिया 2:13 - Korwa Bible

¹³ एटाः एहूदाकू हों हाँय इयाकू पचघुचियाःआ, अरू हनन इया बरनाबास होंय पचघुचियाःआ।

गलातिया 2:13 Referans Kwoze

1 कुरिंती 15:33

अलोपे अडिगगुः। बेलूर सउंगताकू नपाय लूरकू आडगोडता।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

1 कुरिंती 5:6

अपे हाँयग सनहा होड़ बदीरे चिला लगापे बड़वारतना? अपे मेरपे सुसुदीता जा, गुनमिनाः सेबेल सोड़ा जमा गोहोम गुंडा एचे पुड़सूड़गोडता, माःआन?

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

गलातिया 2:1

चउदाह बरिस तयोमरे ईंग बरनाबास सुदा एरुसलेमिंग सेनेडा अरू तितूस हों ईंग सुदायिंग गोःतिरिया।

1 कुरिंती 12:2

अपे सुसुदीतना, अपे बेगर बिसवासी होड़कूपे दोहोन मेला, मेर अयुमेता हना मुरतीकूनपे सेवा लगा अपेके आँच परावनेना अरू हनानाःपे सेवागोड ञवना।

मती ओजाःतेरा भगवानराः नपाय सरवन 23:28

हनन इया अपे हों एटाः होड़कू एचेरे नपाय धरमिया होड़कू इयापे ञिलुःता, मनदो अपेराः इनिंदरी इंदरीरे जमा बरानाः गारबार अरू पचघुचियाते पेरेगतो इदा।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।