गलातिया 1:13 - Korwa Bible

¹³ ईंग अजी बोपोहकूतिंग, अपे नपायतेपे सुसुदीतना, मड़ंग ईंग एहूदा धरम इयायिंग सलाःआ। हनमेला ईंग भगवानराः कलसियारिकुःआ होड़कूयिंग संतावा, अरू लाय एंडाकू लगा मुरुकिंग कुरनिसगेःआ।

गलातिया 1:13 Referans Kwoze

मूक चेलाकू 8:3

अरू साहूल दो कलसियारिकुःआ होड़कू लाय एंडाकू लगाय बुँहड़ीतेरा अरू ओड़ाः ओड़ाः बोल घड़ीन हाँय बिसवासी होड़कू, मरदकू अरू अइमीकू, एचे उडुंगकेडकूखन जेहेलरेय एचे सींगकुःआ।

1 कुरिंती 15:9

भगवानराः कलसियारिकुःआ होड़कूयिंग संतावतेरा। हनालगा ईंग ईसूरीग मूक चेला कतान जुकूर कोवायिंगा अरू हाँयरिकुःआ जमा मूक चेलाकू अते हुनुडिंग इदानिंगा।

मूक चेलाकू 9:26

साहूल एरुसलेम सहररेय सोदोरनेन दो हाँय चेलाकू सुदा मेसान लगाय कुरनिसतेरा। मनदो नाँय सतायरे चेला हवे माःआन हँकू मेरकू बिसवासगाड। हनालगा हँकू हाँयकू बोरोवाया।

मूक चेलाकू 9:21

हाँय ईसू, भगवानरीग बेटात हवे माःआन अरजी ओड़ाःकूनरेय परसारगे लगा ओहेने बुँहड़ीगोतेड। हाँयराः परसारकू अयूमतेरा हँकुःआ होड़कू बयावनेनखनकू कता होड़ेंगा, “ईसूराः ञावरेकू बिसवासतेरा एरुसलेम सहररिकुःआ होड़कूय ञेड एंडातेरा अरू मरंग पुजउरीकूते चिठी एचे ओजाःतेडखन नंडाकुःआ होड़कू एचे साबकू लगाय वेजेडा हाँयग होड़ ननाँय हवे माःआन अले मेरले बिसवास अवेयता।”

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

पिलिपी 3:6

अरू मोसेसराः नियम नपायते मनाः बदीरे ईंग बेगर गारबार होड़िंग दोहोना। भगवान मान मरजइत लगा सनपड़ावतोयिंग दोहोना अरू हनालगा कलसियारिकुःआ बिसवासी होड़कूयिंग संतावतेरा।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

1 तिमुतियूस 1:14

परबू ईसू मसी मिनी जीवते ईंगे मयावारा, जेमहा ईंग हाँय एचेरेयिंग बिसवासगे अरू एटाः होड़कूयिंग दुलार अवे।