गलातिया 1:10 - Korwa Bible

¹⁰ दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

गलातिया 1:10 Referans Kwoze

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

मूक चेलाकू 5:29

दो पतरस अरू एटाः मूक चेलाकू कतातेरा, “अले होड़कूराः कता मनाः अते बगरा भगवानराः कता मनाः लगा इदा।

इपीसी 6:6

अपे बुता लगा अहापे जहंडाव अडिगकू। मनदो मसीरिकुःआ सेवकिया होड़कू इया भगवानराः हिछा मिनी जीवकियानखनपे एचेय।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

मती ओजाःतेरा भगवानराः नपाय सरवन 22:16

हँकू अँनकूरिकुःआ चेलाकू हरदोस राजारिकुःआ होड़कू सुदा ईसू एचेरे नाःआ इया ककता लगाकू वारगोतेडकू, “ने गुरुजी, अले सुसुदीतना आम सताय इदानमेःआ अरू सताय इया भगवानराः दूर बदीरेम चेडकूता। आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना।

कुलूसी 3:22

ने सेवकियाकू, अपेरिकुःआ मालिककू अपेकू ञेलता, हनमेला एकला अहापे बुता बोनाः। मनदो अपे मिनी जीवते परबूराः अकूस मनाः घड़ीन हँकूराः जमा कताकूनपे मनाः।

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

1 एहुना 3:9

भगवानराः लूर नेवन आँयगरिकुःआ लइंकू एचेरे दोहोनता। हनन लगा हँकू मेरकू कसूरगोड ञवनता। हँकू भगवान अगीतेकू जनमावकिया। हनन लगा हँकू ओरोकू कसूरगोड ञवननेना।

2 कुरिंती 12:19

अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

रूमी 2:8

मनदो अदोम होड़कू अँननकूराः नफा लगाकू ञामता। हँकू सताय कता अड़ाःकेडखन बेलूर कताकू मनाःता। अरू हँकुःआ होड़कू एचेरे भगवानराः रीस रंजाव जुवाःता।

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

मती ओजाःतेरा भगवानराः नपाय सरवन 28:14

नाःआ कता मरंग हातपात होड़ पिलातूस अयुमे दो अपे लगा हाँय एचेरेले बुतुड़ुता अरू अपे लगा तोनोंगाः सिकिसता ओरो होयानेना।”

मूक चेलाकू 12:20

हाँय सूर अरू सइदा छतररिकुःआ होड़कू सुदा राजूते मेरेय दोहोगान। हँकुःआ होड़कू अँकूराः जोम जिनिस लगा हाँयग राजा एचेरे भरसातेकू दोहोना। हनालगा हँकू मिनीयानखन हाँय सुदा हेल-मेलते दोहोन लगा हाँयग राजारीग बिसवासगेयीग सेवादार बलासतूसते हाँय सुदा एचे राजूगेय लगा हाँय एचेरेकू वेजेडा।

मती ओजाःतेरा भगवानराः नपाय सरवन 6:24

तोनोंगीग होड़ बार होड़ मालिककिन ओरोय सेवा अवेतेडकिना। हाँय मी होड़ मालिके हिनइस-बिनइसवायता अरू एटाः होड़ मालिके अलार-दुलारगेयता। हाँय मी होड़ सुदा अकूस मनाः घड़ीने दोहोनता अरू मी होड़े आड-बेकारवायता। अपे भगवान अरू आन-धान बनर ओरोपे सेवा अवेतेरा।

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।