इपीसी 6:23 - Korwa Bible

²³ अबूरीग अपांग भगवान अरू परबू ईसू मसी अपेराः जीवे सलसतगे अरू अँननपे अपे अलार-दुलार होड़ेंग घड़ीन, ईसू मसी एचेरेपे बिसवासगोड ञवन लगायिंग अरजीतना।

इपीसी 6:23 Referans Kwoze

गलातिया 6:16

नाःआ इयाकू सलावगोड ञवनतना हँकुःआ होड़कू, सतायरे भगवानरिकुःआ इसराएल होड़कूकू बड़ाँःता। अरू भगवान हँकुःआ होड़कूय सोगावा अरू सलसतरेकू दोहो ओवा।

1 पतरस 5:14

मसीराः दुलारते अपे अँननपे अपे सलाम होड़ेंग। ईसू मसी एचेरेकू बिसवासगेतना हँकुःआ जमा होड़कूराः जीव भगवान सलसतगे।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

1 तिमुतियूस 1:14

परबू ईसू मसी मिनी जीवते ईंगे मयावारा, जेमहा ईंग हाँय एचेरेयिंग बिसवासगे अरू एटाः होड़कूयिंग दुलार अवे।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

1 तिमुतियूस 1:3

ने बेटा, ईंग मकिदुनिया राइज अगीयिंग सेनेन मेला, इपीसी सहररेम दोहोन लगा आमिंग असेतेरा, जेमहा तोनोंग तोनोंग होड़कू लबरा चेड अलोकू चेडकू लगा हँकूम हुकुम अवेवाकू।

2 तिसलूनिका 3:16

अबू जीवरे सलसते एमेयता हाँयग परबू ईसू, अपे लगा जमा इयाःआ सलसत सगर सइटे एमे हड़ाःवापे। अरू परबू ईसू अपे जमाकू सुदाय दोहोन।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

1 कुरिंती 1:3

अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

एहुना 14:27

ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

1 तिमुतियूस 5:8

अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

रूमी 15:33

अबू लगा सलसते एमेयता हाँयग भगवान अपे जमाकू सुदाय दोहोन। आमीन!

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

3 एहुना 1:14

आम सुदा ओहेन जुमाः लगायिंग असरागेतना। हननमेला आम सुदा मुहा-मूहिंग बुतुड़ुता।