इपीसी 5:8 - Korwa Bible

⁸ मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

इपीसी 5:8 Referans Kwoze

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

1 एहुना 1:7

मनदो भगवान मरसल इदानिया अरू अबू मरसल इया नपायबू जियाःता दो, अबू अँननबू अबू मिनी इदानबुःआ अरू भगवानरीग बेटात ईसूराः बलंगीते अबूराः जीव अते जमा कसूरकूने बुहाल अमिंगगोडता।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

कुलूसी 1:13

भगवान अबू कलउराः अंदरा राइज अते सडावकेडबूखन, अनँयगरीग दुलार बेटातराः राइजरेय गोः अदेरकेडबुःआ।

एहुना 12:46

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

इपीसी 4:18

हँकू तोनोंगाः मेरकू बुझाःता अरू डोंडोले डोंडो इदानकुःआ अरू हँकू केटेग जीव होड़कू इदानकुःआ। हनालगा हँकू भगवान मेरकू सुदी अवेयता अरू हाँय अते एनेटाःरे इदानकुःआ।

एहुना 12:36

मरसलरिकुःआ लइंकू होयाः लगा मरसल अपे सुदा इदान मेला हनारेपे बिसवासगोड ञवन।” नाःआ कतातेडखन ईसू सलावयाने अरू हँकुःआ एहूदाकू अते एनेकलाय दोहोना।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

लूका 16:8

दो कमचोर जिमेवारी होड़ चिलाय एचेकेरा हना हाँयग मालिक अयूमतेड अरू हाँय राःकेडखन हाँय एचेरेय कताया, आम ओंगोल चुवेरकेडखनमे एचेकेरा, माःआन। दो ईसू कताया, “चउंदीसरिकुःआ होड़कू अँननकूरिकुःआ होड़कू सुदा लेन देनरे भगवानराः राइजरिकुःआ होड़कू अते बगरा ओंगोल चुवेरकेडखनकू एचेयता।”

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

2 कुरिंती 6:14

खाप मेरकिन जोमता हँकिनाः बएलकिनते हाड़ मेर सी अवेनता। दो अपे हों बेगर बिसवासी होड़कू सुदा मेसाकियानखन खाप अलोपे जोम। गारबार होड़कू अरू बेगर गारबार होड़कूराः खाप जोमता जा? सहे मरसल अरू अंदरा मिनीरे खापगुःता जा?

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

रूमी 2:19

अरू आम अनम एचेरे भरसाकेडखनमे कतायतना, ईंग अंधा होड़कूरीग अगुवा होड़ अरू कसूरराः अंदरारे इदानकुःआ हँकुःआ होड़कू लगा मरसल दूरिंग उदुःवाकूता।

एहुना 1:9

होड़कू लगा सताय जीवराः मरसले एमेता हाँयग होड़ चउंदीसरे वेग लगाय दोहोना।

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

गलातिया 5:25

अबू सुद बिरुवा अगीते नँवा जीवबू पवावकिया दो, हाँयराः अगुवाइते सनालावगोड ञवन लगा इदा।

रूमी 1:21

हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

मती ओजाःतेरा भगवानराः नपाय सरवन 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

कुलूसी 1:12

दो अपांग भगवान मरसलराः राइजरे, आँयगरिकुःआ सुद होड़कू लगा इदा, हना इताडराः बंटापे पवाः लगाय सुनावकेडपेःआ। हनालगा हाँयपे जागगोड ञवन।