इपीसी 5:20 - Korwa Bible

²⁰ अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

इपीसी 5:20 Referans Kwoze

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

1 तिसलूनिका 5:18

अपे जमालेःआ हाल-चालरे भगवानपे धनियाबादगोड ञवन। परबू ईसूते अपे लगा भगवानराः हिछा ननानाः इदा।

इबरानी 13:15

अबू ईसूराः ञावते भगवान लगा बलिदानकू देगता हना इयाःआ जाग सगर सइटबू देगगोड ञवन,

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

इपीसी 5:4

अपे लगा नपाय कोनोवानेःआ हना बेगर गियुःतेःआ बड़रा, सदाःआ बड़रा सहे केसेड़ा बड़रा, अपे अहापे बुतुड़ु। मनदो भगवान अपे लगाय एचेकेरा हना जमाकून लगा हाँयपे धनियाबादगे।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

2 तिसलूनिका 2:13

ने अजी बोपोहकूतिंग, सुद बिरुवाराः बुताते अपेराः जीव सुदयना अते, अरू परबू ईसू मसीराः सताय सरवनरेपे बिसवासगेतान अते, भगवान अपे मड़ंगाः जोःओ इयाय सडावकेडपेःआ। हनालगा अपेय दुलारपेतना हाँयग भगवान एचेरे, अले अपे बदीरे जमा बेलाले जागगोड ञवन लगा इदा।

1 पतरस 2:5

दो जीयत दिरिकून इया सुद बिरुवा अपे भगवानराः सताय ओड़ाःरे एटाः होड़कू सुदा जोड़ावकेडपेखन सुद पुजउरीकू तुलापेतना, जेमहा भगवान ननायगुःता हना सुद बलिदानकून, अपे ईसू मसीतेपे देग अवेयता।

1 कुरिंती 1:4

ईसू मसीते भगवान अपेय मयावारा। हनालगा अपे बदीरे जमा बेला भगवानिंग धनियाबादगोड ञवनता।

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!

पिलिपी 1:3

अपेयिंग उहियारपेता, हना जमा बेला ईंग ईंगरीग भगवानिंग धनियाबादगेयता।

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

1 तिसलूनिका 3:9

अले भगवान एचेरे अरजी मेला अपे बदीरे मुरुकले बहाल जुवाःता, अरू अपे बदीरे भगवान मुरुकले जागगेयता। हनारे हों करा उड़ीले पुराव अवेय?

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

1 कुरिंती 15:24

हना तयोमरे राइजगेताकू हँकुःआ होड़कू अरू हातपातदारकू अरू जंगरदारकू हरुवावकेडकूखन ईसू मसी अपांग भगवान एचेरे राइजे जिमागोडता। हनमेला चउंदीस टुटीग जुवाःता।