इपीसी 4:6 - Korwa Bible

⁶ जमाकूरीग मालिक अरू जमाकूते आँयगराः बुताय बुताता अरू जमाकूराः इंदरीरेय दोहोनता हाँय, अबू जमाकूरीग मिनीटोंग अपांग अरू भगवान इदानिया।

इपीसी 4:6 Referans Kwoze

रूमी 11:36

हनाँय जमाकूने तुलाकेरा, हनाँयते जमाकून सलाःतना, अरू हनाँयराः हवे जमाकून। दो हनाँयग भगवान लगा सगर सइट वरी मान मरजइत होयाः। आमीन!

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

1 एहुना 3:24

भगवानराः हुकुमे मनाःता हाँयग होड़ भगवान सुदा मिनी इदानिया अरू भगवान हों हाँय सुदा मिनी इदानिया। भगवान अबू लगाय एमेकिरिया हाँयग सुद बिरुवातेबू सुदीयता, भगवान अबू सुदा मिनी इदानिया, माःआन।

मती ओजाःतेरा भगवानराः नपाय सरवन 6:9

अपे नाःआ इयापे अरजीगे, ने सेरमो देसरे इदानीग अलेरीग अपांग, आमराः ञाव सुद इदा, माःआनले मान मरजइत अवेय।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

1 कुरिंती 12:6

ननन इया अबू एटाः एटाः बरान सेवाकूनबू सेवाता, मनदो मिनीटोंग भगवान नाःआ इयाःआ जमा सेवाकून सेवा लगा अबू संघरावाबू घड़ीने एचेयता।

इपीसी 6:23

अबूरीग अपांग भगवान अरू परबू ईसू मसी अपेराः जीवे सलसतगे अरू अँननपे अपे अलार-दुलार होड़ेंग घड़ीन, ईसू मसी एचेरेपे बिसवासगोड ञवन लगायिंग अरजीतना।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

इपीसी 2:22

ईसू मसीरे सुद बिरुवाते अपे बेगर एहूदाकू हों, भगवान दोहोन लगा ओड़ाःपे बड़ाँःतना।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

मती ओजाःतेरा भगवानराः नपाय सरवन 6:13

अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

इपीसी 1:21

अरू ईसूके जमा बरानाः राजाकू अरू हातपातदारकू अरू जंगरदारकू अरू हकतियारकू अते मरंग हातपाते ओवाडिया अरू जमालेःआते मरंग ञावे ओवाडिया। हाँयराः हातपात नाःआ जूग लगा एकला कोवानेःआ, मनदो दरवाःआ हना जूग लगा हों इदा।