इपीसी 4:31 - Korwa Bible

³¹ हिगार हटिंगगुः इयाःआ हटी ओंगोल अपे जीव अते चलाः एंडागोडपे। अपे कटराहा अरू रिसकट होड़कू अहापे होयाः। जमा बरानाः कड़ीग, ओपता बड़रा अरू जमा इयाःआ टेनसाहापे चलाः एंडागोड।

इपीसी 4:31 Referans Kwoze

कुलूसी 3:8

मनदो नुँहू अपे रीस, कटराहा, टेनसाहा, ओपता बड़रा अरू तूड बड़रा, नाःआ जमाकून हिर-हिटी अड़ाः एंडागोडपे।

1 पतरस 2:1

हनालगा ईंगरिकुःआ अजी बोपोहकूतिंग, अपे जमा बरानाः टेनसाहा अरू बेलूर कताकून, लबरा बड़रा, पचघुचिया, इरा अरू जमा बरानाः ओपता बड़रा, अपे जीव अतेपे चलाः एंडागोड।

एकूब 1:19

ईंग अजी बोपोहकूतिंग, अपे नाःआ कतापे सुदीगोड। अपे अअयूम लगा ओसताजपे दोहोन अरू टेड़ा-चुवा अलोपे बड़रा सहे अपेराः रीस ओहेन अलोपे देग ओवा।

कुलूसी 3:19

ने मरदकू, अपे अँननपेरिकुःआ एपेराकूतापेपे अलार-दुलार अरू अपे हँकू सुदा एरंगाहा अलोपे दोहोन।

एकूब 3:14

मनदो अपेराः जीवरे एटाः होड़कू बदीरे हिनइस-बिनइस अरू इरा पेरेगतो दोहोन दो, अपे हना बदीरे अहापे बड़वारगुः अरू सताय कता बदीरे अहापे लबरा।

इपीसी 4:26

अपे रीस जुवाः दो, अहापे कसूरगे। बेर बुडाः वरी हना रीस अलोपे दोहो ओवा,

1 एहुना 3:12

अपे कलउरीग होड़ काइन इया अहापे होयाः। हाँय अनँयग बोहोते ञेड एंडातेरा। हाँय चिला लगाय ञेड एंडातिरिया? हाँयगराः बुता बेलूर दोहोना अरू बोहोतराः नपाय दोहोना। हनालगा हाँय ञेड एंडातिरिया।

एकूब 4:11

ने अजी बोपोहकूतिंग, अपे अँननपे अपे अहापे बदी होड़ेंग। अनँयग वपक बोपोहकूतेने बदीता सहेय जाःकूता हाँयग होड़ भगवानराः नियमे बदीता अरूय जाःगेता। नियमे जाःता हाँयग होड़ नियम इया मेरेय सलाःतना, मनदो हाँय हना नियमराः फड़ियावदारे होयाःता।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

1 तिमुतियूस 3:11

कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 तिमुतियूस 5:13

हँकू कुड़ही जुवाःताकू अरू हँकू ओड़ाः ओड़ाः सेन घड़ीन होड़कूकू ओपता इदीता। हँकू एटाः होड़कूराः बुतारेकू मेसा जुवाःता अरू होड़कू सुदा बुतुड़ु इया कोवानेःआ हना बड़राकू कतायता।

गलातिया 5:20

मुरती पुजा अरू पंगाड़ होड़ेंग, हिनइस-बिनइस अरू कड़ीग, अंदून अरू रिसकट, अनँयग आँयग नफानराः ओंगोल, हिगार हटिंगगुः अरू बेलूर गुटगुः,

1 कुरिंती 5:8

दो नुँहू दो अबू परोब नपायतेबू मनाः। जमा बरानाः बेलूर ओंगोल इयाःआ जुना सेबेल सोड़ाते कोवान, मनदो सताय अरू नपाय ओंगोल इयाःआ बेगर सेबेल सोड़ातेःआ रुटीते परोबबू मनाः।

रूमी 3:14

हटी अरू सती-सरापतो बड़राते हँकूराः आह पेरेगतो इदा।”

उदुःतो कताकून 12:10

हनते ईंग सेरमो देस अते मीटोंग मुरुक सटी अरोयिंग अयूमतेरा, “दिन रइत अबूरीग भगवान मड़ंगरे बिसवासी होड़कूय ओपताःआ हाँयग ओपता होड़, चउंदीसरेकू तेके लोजोरगोतेडिया। दो हना अते नुँहू अबूरीग भगवान होड़कू सडावगेराः बेला सोदोरयान, अरू हाँयराः जंगरते राइजगे लगाय बुँहड़ीकेरा, अरू भगवानरीग मसी हों हाँयराः हातपाते उदुःकेरा।

1 एहुना 3:15

अनँयग बिसवासी वपक-बोपोहकूय हिनइस-बिनइसवाता हाँयग होड़, ञेड एएंडा होड़ हवे अरू अबू सुसुदीतना ञेड एएंडा होड़कू ओरो टुटीगनेना हना जीव ओनोरोकू पवावनेना।

तितूस 2:3

ननन इया सपायाड़ीनकू हों भगवानराः अकूस मनाः घड़ीन बझउड़ी अरू दरुवाहा अइमीकू अलोकू होयाः। मनदो भल-भलाय कताकून एटाःकू चेडकू लगा इदा,

2 तिमुतियूस 2:23

कड़ीगकू रिमुःता हना सदाःआ अरू अनभनिया कता होड़ेंग अते तोरेम दोहोन।

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

मूक चेलाकू 21:30

सहररिकुःआ मुरुक बगरा होड़कू मिनीरेकू जुमावनेना अरू बतकाव वेगवाडखन पउलूसकू साबतेरा अरू हँकू भगवानराः ओड़ाः अते पउलूसकू ओर उडुंगतिरिया। हननमेला भगवान ओड़ाःराः दुवारकूनकू सींगगोतेड।

2 तिमुतियूस 3:3

हँकू एटाःकू ओरोकू अलार-दुलारतेडकुःआ अरू सलसतिया होड़कू मेरकू दोहोनता, एटाःकू बेगइतकू कतावाकूता अरू ओंगोल समझाः घड़ीन ओरोकू दोहोनेना। हँकू जमा इयाःआ नपाय कताकू एरांगवाता अरू तुड़ेंग-तपेग होड़कू होया जुवाःता।

इपीसी 4:22

अपे नाःआ इया मड़ंगरेकू चेडतेडपेःआ। बेनेलूर ओंगोलते लायगुःआ अपेराः जुना जीव अड़ाः एंडाकेडखन,

इपीसी 4:25

अबू मिनी देहराः एटाः एटाः दगलीकून इदानबुःआ। हनालगा अबू लबरा बड़रा अड़ाःकेडखन अँननबू अबू सताय बड़राकून कता होड़ेंग लगा इदा।