इपीसी 4:24 - Korwa Bible

²⁴ अरू भगवान इया बेगर गारबार अरू सुद बड़ाँवकेडखन नँवा जीव सतायरेपे जियाः लगा इदा।

इपीसी 4:24 Referans Kwoze

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

इपीसी 6:11

लड़ाइ लगा भगवान एमेकेरा हना जमा अवजारकूनपे तुसिंग। दो कलउ अडिगपे अते अँननपे अपे बनसाव अवेनता।

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

2 कुरिंती 4:16

अलेराः देह लाय एंडानता, मनदो अलेराः जीव सगर दिन नँवा इदीनतना। हनालगा अले मेरले हदराःता।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

एहुना 17:17

आमराः सरवन सताय इदा। हनालगा आमकू सेवा लगा आमराः सताय सरवनते हँकूम एटाःगोडकू।

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

गलातिया 3:27

अरू अपे बतिसमाते ईसू मसी सुदापे मिनीयना अरू नँवा सोनहेपे तुसिंगतान इया अपेराः लूर-नेवन ईसू मसीराः इया होयायना।

1 कुरिंती 15:53

नुँहू अबूराः देह सेयाकेडखन लाय एंडा जुवाःता। दो अबूराः नाःआ देह बदलाव जुवाःता अरू हना नँवा देह कहियो ओरो सेया लायनेना।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।

इबरानी 1:8

मनदो अनँयग बेटात बदीरे नाःआ इयाय कतायता, “ने भगवान, आमराः राइज सगर सइट वरी दोहोनता, अरू आम राइजगेराः बोंग साबकेडखन सतायतेम फड़ियावगेता।

लूका 1:75

सगर सइट बेगर बोरते हाँयबू सेवा अवे।”

रूमी 7:6

मनदो ईसू मसी गोएगनेनते अबू एएचे पराःआ हना नियमराः बोझा अते भगवान अबूय सडावकेडबुःआ। हनाते अबूराः कसूर जीव टुटीगयना, जेमहा अबू ओजाःतो नियम इया कोवान, मनदो सुद बिरुवाराः ओंगोलते नँवा जीवते भगवानबू सेवा अवेय।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

2 पतरस 1:4

अरू अबू नाःआ मरंग अरू मुरुक किमइताः जबानकूनबू पवावकिया, जेमहा अबू हना जबानते, चउंदीसरिकुःआ होड़कूराः ललची ओंगोलते होयाःता हना बेनेलूराः नेवन अतेबू बनसाव जुवाः अरू भगवानराः लूर-नेवनरेबू मिनी जुवाः।