इपीसी 4:2 - Korwa Bible

² अपे जमा बेला अनँयग आँयग हुडिंग ओंगोलकियानखनपे दोहोन अरू कटराहा होड़कू अहापे होयाः। मनदो जमा बरानाः सहाव घड़ीन अलार दुलारतेपे दोहोन।

इपीसी 4:2 Referans Kwoze

1 कुरिंती 13:7

एटाःकूय दुलारता हाँयग होड़ जमालेःआय अयूम पसावगोडता, जमालेःआ मेरेय जाःगेता, जमालेःआ लगाय असरागेता, जमालेःआय सहवेता।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

मती ओजाःतेरा भगवानराः नपाय सरवन 11:29

ईंग सुधा इदानिंगा अरू ईंग इनिंगते हुडिंगिंग ओंगलुःता। हनालगा ईंगराः जुवट अपे सेरमोपे रेमया अरू ईंग अतेपे चेडुः दो, अनपेराः जीव लोड़ोनता।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

2 तिमुतियूस 2:25

अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

गलातिया 6:2

अपे कटसिया मेला जमा इयातेपे संघरा होड़ेंगगोड ञवन अरू नाःआ इया अपे जमालेःआते मसीराः हुकुमपे मनाःता।

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

मूक चेलाकू 20:19

एहूदाकू बुइदकून तुलातेडखन ईंगकू संतावतेरा, हनायिंग सहावतेरा अरू ईंग इनिंग हुडिंग ओंगोलकियानखन अपे लगा मुरुक इयाम घड़ीन परबूयिंग सेवातेरा।

मरकूस 9:19

नाःआ अयूमवाडखन ईसू आँयग चेलाकू एचेरेय कतातेरा, “ने गुनमिन बिसवासगे होड़कू, अपे सुदा तुमिस वरीयिंग दोहोन? तुमिन वरी अपेयिंग सहाव?” हनते ईसू कतातेड, “माँय ईंग एचेरेपे अगूगेय।”

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।