इपीसी 4:19 - Korwa Bible

¹⁹ हँकू बेगर गियुःते बेलूर ओंगोलरे तीलकियानखन बेलूर बेलूर बुताकून बेगर रोंकावतेकू एचेगोड ञवनता।

इपीसी 4:19 Referans Kwoze

1 तिमुतियूस 4:2

ओंगोल लोलो लोहाते लो मुरात इया केटेग इदा हँकुःआ लबरा पचघुचिया होड़कू ननन इया होड़कूकू चेडता।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

जूदा 1:11

हँकुःआ होड़कू ठीककू दोहोनता! हँकू ञेड एंडात होड़ काइन इया कसूरकू एचेता; नफा पवाव लगा लुभिया होड़ बिलाम इया हँकू गारबारकू एचेता; अरू हँकू कोरह इया होड़कूकू बहकावा अरू हँकू अँननकू अँकू लाय जुवाःता।

उदुःतो कताकून 18:3

जमा जइत होड़कू गोड़ावयान, हँकू नाःआ सहररिकुःआ होड़कूराः सनहा बुतातेकू गोड़ावयान। चउंदीसरिकुःआ राजाकू हँकू सुदाकू सनहानेना, अरू चउंदीसरिकुःआ फेरवइत होड़कू हँकूराः बेलूर बुताराः ओंगोलतेकू गिरहतनेना।”

2 पतरस 2:22

हँकू लगा मड़ंगराः कता सताय इदा, “कुतू अनँयगराः उलात अरूय जड़ाःगेता,” अरू “ऊमतो सुकरी हनानाः सिकलारे अरूय घोलंडाव लेटाःता।”

1 पतरस 4:3

मड़ंगरे अपे मुरुक बेला वरी बेगर बिसवासी होड़कू एचेय लगाकू मंजूरवाता, हना बेलूर बुताकूनपे एचेगोड ञवना। अपे सनहा-सनहीराः बेलूर ओंगोलते अरू लिमचोर-लमचोर बुताकूनरेपे दोहोना। अपे बुनूलतो अरू दारू बोः होड़कूपे दोहोना अरू एरांगवा इयाःआ मुरती पुजा घड़ीनपे जियाःआ।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

मरकूस 7:22

लुभी, बेलूर बुता, अडिग, बेलूर घुड़ी, इरा, ओपता बड़रा, बड़वार अरू बुयांगतो होयाःता।