इपीसी 4:17 - Korwa Bible

¹⁷ ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

इपीसी 4:17 Referans Kwoze

रूमी 1:21

हँकू भगवानकू सुनुदीगोतेडिया हों, हाँय मेरकू मान मरजइतगडिया अरू मेरकू धनियाबादगडिया। दो हँकूराः ओंगोल सदाःआ होयायना, अरू हँकूराः बोको जीव अनंदरायना।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

कुलूसी 2:4

तोनोंगीग अँकूराः मोहाः इयाःआ बड़राते, अपे अहाकू अडिग अवेपे लगा, ईंग नाःआ इयायिंग कतावापेतना।

1 पतरस 1:18

अपे नपायतेपे सुदीयतना, अपेरिकुःआ खुटिपरिया होड़कू सलाव वेगा हना बेगर मतलोबाः लूर-नेवन अते, लाय एंडा जुवाःता हना चाँदी सहे सोनाते भगवान अपे मेरेय सडावगाडपेःआ,

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 14:15

“ने अजी बोपोहकूतालिंग, अपे चिला लगा नाःआ इयापे एचेयतना? अपे इया अलिंग हों मनुवाकिन हवे। नाःआ इया बेलूर बेलूर कताकून अते अपेराः जीव, सेरमो, ओत, समुंदर अरू जे हों सकालाः हनारे इदा हना जमाकूने तुलाकेरा हाँयग भगवान अगीपे कुदान लगा नपाय सरवनलिंग कता उदुःवापेतना।

2 तिमुतियूस 4:1

दो तिमुतियूस, जीयत होड़कू अरू गोएगतो होड़कूय फड़ियावता हनाँयग ईसू मसी अरू भगवान ईंगरीग हिदइतदारकिन बड़ाँवकियानखन ईसूराः कुदा वेग अरू राइज बदीरे उहियारकेडमेखन नाःआ हुकुमिंग ओवामतना।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

1 तिमुतियूस 5:21

दो ईंग बेटा तिमुतियूस, भगवान, ईसू मसी अरू भगवानरिकुःआ सुनावतो सेरमो देसरिकुःआ बराहीलकू मड़ंगरे, मड़ंग आमिंग उदुःवारा हना इया जमा होड़कू सुदा बेगर पाचपटीतेम एचेय लगा सेतावकेडमेखनिंग हुकुमवामतना।

1 तिसलूनिका 4:6

नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

इपीसी 4:22

अपे नाःआ इया मड़ंगरेकू चेडतेडपेःआ। बेनेलूर ओंगोलते लायगुःआ अपेराः जुना जीव अड़ाः एंडाकेडखन,

इपीसी 1:22

हनाते भगवान जमाकून ईसू अतेय हुडिंगगोतेडा अरू कलसियाराः बोःए तुलाकिरिया।

गलातिया 5:3

ईंग अपे एचेरे अरूयिंग कतायतना, खतनानताय हाँयग होड़ जमा नियमकून मनाः पराःता।

गलातिया 3:17

भगवान इबराहीम एचेरेय कता-जमकावतेरा, हना जबान चइर सव तीस बरिस तयोमराः तुलात नियमकूनते मेर टगावगुःता सहे मेर बदलाव अवेयता।

2 कुरिंती 9:6

नाःआ कता उहियारगेपे, “गुनमिने वेरता, हाँय गुनुनमिने ईरता, मनदो बगराय वेरता, हाँय बनागराय ईरता।”

1 कुरिंती 15:50

ने ईंगरिकुःआ अजी बोपोहकूतिंग, अपे ईंगपे अयूम। अबू चउंदीसरे दोहोन लगा भगवान एमेकेरा हना देह सेया जुवाःता। मनदो सेरमो देसरे दोहोन लगा भगवान एमेयता हना देह ओरो सेयानेना। हनालगा अबू चउंदीसरे दोहोन लगा भगवान एमेकेरा हना देह सुदा सेरमो देस ओरोबू सेने अवेनेना।

1 कुरिंती 1:12

ईंग नाःआ कता ननानाः लगायिंग कतायतना, अपे अते अदोमकूपे कतायता, ईंग पउलूसरीग चेला हवे; अरू तोनोंगीग कतायता, ईंग अपोलोसरीग चेला हवे; अरू तोनोंगीग कतायता, ईंग कइपारीग चेला हवे; अरू तोनोंगीग कतायता, ईंग ईसू मसीरीग चेला हवे, माःआन।

मूक चेलाकू 2:40

एटाः एटाः कताते हों हाँय हँकूय सेतावतेरा अरू हँकू एचेरेय असेतेरा, “नाःआ बेनेलूर जूगरिकुःआ होड़कू अते अँननपेराः जीवपे बनसाव।”

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।