इपीसी 4:16 - Korwa Bible

¹⁶ जमा देह गेनेँट गेँटते जोड़ावतो दोहोनता, हनन इया मसी अबू मिनी जुमूटरेय दोहोबूता। देहराः एटाः एटाः दगलीकून इया अबू अँननबूराः बुताबू बुताता दो जमा देह हरानता अरू अलार-दुलाररेबू बड़ियाड़ जुवाःता।

इपीसी 4:16 Referans Kwoze

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

1 कुरिंती 13:13

दो अबू बिसवासगेता, अरूबू असरागेता, अरूबू दुलारता, नाःआ पेनेय मेनेर टगाःता। मनदो नाःआ पेनेय अते मनइद मरंग एटाःकू दुलारता हना हवे।

इपीसी 4:15

मनदो सताय कता इया जियाः घड़ीन अँननबू अबू अलार-दुलारकेडखन जमा बरानाःरे, कलसियाराः बोः, ईसू मसी इया, अबू हनारागोड ञवन लगा इदा।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

इपीसी 3:7

भगवान अनँयग जंगरते ईंगे मयावारा अरू हना मयाते नपाय सरवन एटाःकू एचेरे कता उदुःगे लगा, ईंग हाँयरीग सेवकिया होड़िंग बड़ाँवयना।

इपीसी 1:4

अबू हाँय मड़ंगरे सुद अरू बेगर गारबारतेबू दोहोन लगा चउंदीसराः बुँहड़ीन अते मनाड़ंग ईसू मसीतेय सुनावकेडबुःआ।

गलातिया 5:22

मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,

1 एहुना 4:16

भगवान अबूय दुलारतना माःआनबू बिसवासतना अरूबू सुदीयतना। भगवान होड़कू मुरुके दुलारकूता। तोनोंगीग होड़ भगवान अरू एटाः होड़कूय अलार-दुलारगोड ञवनता दो हाँय भगवान सुदा मिनी इदानिया अरू भगवान हों हाँय सुदा मिनी इदानिया।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

रूमी 12:4

देहरे एटाः एटाः दगलीकून इदा अरू मेमेडटोंगराः एटाः एटाः बुताकून दोहोनता।

1 कुरिंती 10:17

अबू मुरुक बगरा होड़कू इदानबुःआ। मनदो रुटी मिनीटोंग इदा। नाःआ रुटी डुंडीग हटिंगकियानखन अबू जमाकूबू जोमता। हना नाःआ उदुःता, अबू जमाकू मिनी देह इया इदानबुःआ।