इपीसी 3:4 - Korwa Bible

⁴ अरू अपे नाःआ कतापे बछाःता दो, मसी बदीरे ओकोत दोहोना हना कता ईंग तुमिनिंग बुझावकिया, हना अपेय सुदी अवेयता।

इपीसी 3:4 Referans Kwoze

कुलूसी 4:3

ईंग नपाय सरवन परसार बदीरे जेहेलरे इदानिंगा। हनालगा अले ईसू मसीराः ओकोत सरवन उदुःगे लगा भगवान अले बेलाय एमेवाले लगा,

1 कुरिंती 4:1

ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

इपीसी 5:32

नाःआ कता बुझाः लगा रिता कोवानेःआ। मनदो ईंग नाःआरे मसी अरू कलसियाराः बदीरेयिंग अउल-तउलगेतना।

इपीसी 1:9

भगवान अनँयगराः ननपाय ओंगोल इया ईसू मसीते एचेय लगाय ओंगोल दोहोतेरा अनँयगराः ओकोत दोहोना हनानाः हिछा अबूय एचे सुदीकेडबुःआ।

लूका 8:10

दो ईसू कतातेड, “भगवानराः राइजराः ओकोत कताकून सुदी लगा अपेके भगवान कनहूने एमेकेरा। मनदो एटाः होड़कू सुदा ईंग अउल-तउल कहड़ी उदुःगेतिंग, जेमहा हँकुःआ होड़कू ञेनेल मेडतेकू ञेलता, मनदो ओरोकू सुदीतेरा, अरू लुनुतूर लुतूरतेकू अयूमता मनदो ओरोकू बुझावनेना।”

1 तिमुतियूस 3:9

भगवान अबूय उदुःवातेरा हना बिसवास बदीराः सताय चेडतो हँकुःआ होड़कू नपाय इंदरीतेकू बिसवास हड़ाःगे लगा इदा।

1 कुरिंती 13:2

ईंग भगवानराः बड़रायिंग कता अवे, अरू भगवानराः ओकोत कता अरू कनहून जमालेःआयिंग बुझाव अवेन, अरू पहाड़कून चलाः एंडागे इयाःआ बिसवास ईंग एचेरे इदान हों ईंग एटाः होड़कू मेरिंग दुलार दो, ईंग कही कोवायिंगा।

मती ओजाःतेरा भगवानराः नपाय सरवन 13:11

दो ईसू कतातेड, “भगवानराः राइजराः ओकोत कताकून सुदी लगा अपे लगा भगवान कनहूने एमेकेरा, मनदो हँकुःआ होड़कू लगा कोवान।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

इपीसी 3:3

मड़ंगरे नाःआ कता ओकोत दोहोना अरू नुँहू भगवान ईंग एचेरेय एचे उदुःकेरा, अरू हना बदीरे ईंग मड़ंगरे गुनहोनिंग ओजाःतेरा।

इपीसी 3:9

जमाकूरीग तुलादार भगवान, मुरुक जूग वरीतेय ओको दोहोकेरा हना कता जमाकू एचेरे थित-थितार कता उदुःगे लगा हों ईंगे सुनावकेरा।

कुलूसी 1:26

नाःआ सरवन मुरुक जूग परिया वरीते होड़कू अते ओकोत दोहोना। मनदो नुँहू हाँयरिकुःआ सुद होड़कू एचेरे भगवान उदुःगोतेडा।