इपीसी 3:10 - Korwa Bible

¹⁰ भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

इपीसी 3:10 Referans Kwoze

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

1 कुरिंती 2:7

मनदो अले, चउंदीस बुँहड़ीन अते मनाड़ंग अबूराः मान मरजइत होयाः लगा, भगवान ओंगोल दोहोकेरा हनानाः ओकोत कनहूनले परसार उदुःगेतना।

रूमी 11:33

अजंग, भगवानराः कनहून अरू मया तुमिन अगम इदा! हाँयराः ओंगोल अरू बुइद तोनोंगीग मेरबू सुदी अवेयता।

इपीसी 1:21

अरू ईसूके जमा बरानाः राजाकू अरू हातपातदारकू अरू जंगरदारकू अरू हकतियारकू अते मरंग हातपाते ओवाडिया अरू जमालेःआते मरंग ञावे ओवाडिया। हाँयराः हातपात नाःआ जूग लगा एकला कोवानेःआ, मनदो दरवाःआ हना जूग लगा हों इदा।

इपीसी 1:3

सेरमो देसराः जमा बरानाः कताकून ईसू मसीते अबूराः जीवे भलावाडबुःआ अबूरीग परबू ईसू मसीरीग अपांग भगवानराः जाग होयाः।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

कुलूसी 1:16

जमालेःआ हनाँयते भगवान तुलाकेरा, सेरमो देसरे अरू ओतरे इदा हना जमाकून, अरू होड़कू ञेल अवेयता अरू मेरकू ञेल अवेयता जमा बरानकुःआ जंगरदारकू अरू हातपातदारकू सेरमो देसरिकुःआ बराहीलकू अरू जमा बरानकुःआ भूतकू, नाःआ जमालेःआ हनाँयते अरू हनाँय लगा भगवान तुलाकेरा।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

इपीसी 1:8

अरू हाँय अनँयगराः जमा कनहून अरू ओंगोल इया मिनी जीवतेडखने मयावाडबुःआ।

रूमी 8:38

दो ईंग सुनुदीबाःगोतेडिंग भगवान, परबू ईसू मसीते अबूय दुलारता। हना दुलार अते तोनोंगाः अबू ओरो एटाः अवेतेडबुःआ। अबू गुजुःबू सहे जियाःबू, हाँय सगर सइट अबूय दुलार ञवनता। तोनोंगीग सेरमो देसरिकुःआ बराहीलकू सहे हातपात इदा हँकुःआ भूतकू, हँकू भगवानराः दुलार ओरोकू लाय एंडा अवेतेरा।

इपीसी 1:23

दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।

कुलूसी 2:15

अरू कुरूसरे ईसू मसी गोएगनेनते, भूतकू अरू अँकूरिकुःआ जमा हातपातदारकू हरुवावतेडकूखन, जमाकू मड़ंगरेय एचे गियूगोतेडकुःआ।