इपीसी 3:1 - Korwa Bible

¹ ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

इपीसी 3:1 Referans Kwoze

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

इपीसी 6:20

ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

पिलेमोन 1:1

ईसू मसीराः परसार बदीरे जेहेलरे इदानिंगा ईंग पउलूस नाःआ चिठीयिंग ओजाःगेतना। ने अलिंगरीग दुलार सउंगता अरू सेवा देंगवा होड़ पिलेमोन, अलंगरीग बिसवासी बोहोयिंग इदानिया हाँयग तिमुतियूस अरू ईंग अगीते आमके मसी सलाम।

मूक चेलाकू 23:18

दो हाँय हाँयग डिंघा मरंग हातपात होड़ एचेरेय गोःयाय। अरू हाँय कताया, “नाँयग डिंघा होड़ आम एचेरे तोनोंगाः ककता लगा इदा। हनालगा सींगतो इदानिया हाँयग पउलूस, आम एचेरे नाँयग होड़ ईंग अअगू लगाय कताया।”

लूका 21:12

नाःआ जमा होयाः अते मड़ंग ईंग बदीरे होड़कू अपेकू साबता अरूकू संतावपेता। अपे पंचाइतरेकू जिमापेता अरू जेहेलरेकू एचे सींगपेता अरू राजाकू अरू हातपात होड़कू मड़ंगरेकू एचे चड़ाँपेता।

पिलेमोन 1:23

ईसू मसी बदीरे नुँहू जेहेलरे ईंग सुदा इदानिया हाँयग इपापरास अगीते आम लगा मसी सलाम।

मूक चेलाकू 26:29

दो पउलूस कतातेरा, “हुडिंग सहे बगरा बेलाते आम एकला कोवान, मनदो ईंगराः बड़राकू अयूमता, हँकुःआ जमा होड़कू नाःआ सिकिड़ीकून अड़ाःकेडखन ईंग इयाकू होया जुवाः लगा ईंग भगवान एचेरेयिंग अरजीतना।”

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

कुलूसी 4:18

ईंग पउलूस, नाःआ सलाम इनिंग तिःईते अपे लगायिंग ओजाःगेतना। ईंग जेहेलरे इदानिंगा। हनालगा अपे अरजी मेला ईंग अलोपे लिड़िंगींग। भगवान अपेय मयावा।

कुलूसी 4:3

ईंग नपाय सरवन परसार बदीरे जेहेलरे इदानिंगा। हनालगा अले ईसू मसीराः ओकोत सरवन उदुःगे लगा भगवान अले बेलाय एमेवाले लगा,

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

मूक चेलाकू 21:33

हाँयग हातपात होड़ वेगवाडखन पउलूसे साबतेरा अरू हाँय बारटोंग सिकिड़ीते तोलेय लगाय हुकुमतेरा। हनते हाँय होड़कू एचेरेय होंबोरतेरा, “नाँय इये हवे अरू नाँय चिलाय एचेकेरा?”

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

इपीसी 3:13

दो अपे लगा कटसियायिंग सहवेतना, हना बदीरे अपे अहापे ओंगोल हदराः। नाःआते अपेराः मान मरजइत होयाःता।

गलातिया 5:11

ईंगरिकुःआ अजी बोपोहकूतिंग, नुँहू वरी होड़कू खतनान लगायिंग परसारगेता दो एहूदाकूराः संताव बे अहियावते ईंग चिला लगायिंग सहावकेःआ? ईंग ईसूराः कुरूस बदीरे परसारगे अते, होड़कू खतनान लगायिंग परसारगे दो एहूदाकू ईंग एचेरे तोनोंग इयाःआ गारबार ओरोकू ञाम अवेकेःआ।

गलातिया 5:2

अयुमेपे! ईंग पउलूस कतायतना, अपे खतनानपे दो ईसू मसीराः गुजुःते अपे लगा तोनोंगाः नफा कोनोवानेःआ।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

2 कुरिंती 1:6

अलिंग कटसियारेलिंग पराःतान दो, हान अपेराः जीव हड़ियाड़ जुवाः अरू सडाव जुवाः लगा होयाःता। अरू अलिंगराः जीव हड़ियाड़ जुवाःतान दो अपेराः जीव हड़ियाड़गुः लगा होयाःता। ननानाः अते अलिंग सहवेता हनन इया कटसिया अपे हों डीड़केडखनपे सहाव अवेयता।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

इपीसी 3:11

सनागर सइट वरीते बुँहड़ीकिया अरू सगर सइट वरी दोनोहोनता ननानाः कनहून नुँहू अबूरीग परबू ईसू मसीतेय एचे पुरावगोतेडा।