इपीसी 2:14 - Korwa Bible

¹⁴ एहूदाकू अरू बेगर एहूदाकू तलारे भीट इया दोहोना हना हिगार हटिंगतो, भगवान रूब एंडागोतेडा अरू बनर गउदारिकुःआ होड़कूय एचे सलसतगोतेडकुःआ।

इपीसी 2:14 Referans Kwoze

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

कुलूसी 1:20

हाँय कुरूसरे अनँयग बलंगी तूतेडखन सेरमो देसरे अरू ओतरे इदानकुःआ हँकुःआ जमा जिया-जउतकू, भगवान अनँयग सुदा राजू नमाकू लगाय ओंगोल दोहोकेरा।

कुलूसी 2:20

अपे राइजबड़ी बदीरे मड़ंग जूगरिकुःआ होड़कूराः चेडतो लगा ईसू मसी सुदा गोएगतो इया इदानपेःआ। दो अपे चिला लगा नँकुःआ होड़कूराः नियमकून इयापे सलाःतना?

रूमी 5:1

अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

लूका 2:14

“सेरमो देसरे इदानिया हाँयग भाबी भगवानले जागतना। भगवान ननायकूता हँकुःआ होड़कू लगा हाँय सलसते एमेता।”

एहुना 10:16

नाःआ गुदड़ीरे कोवाकुःआ ईंगरिकुःआ एटाः एटाः भेड़ाकू हों इदानकुःआ। हँकू हों ईंगराः गुदड़ीरे अअगू इदा अरू हँकू हों ईंगराः अरोकू अयूमता। हनते जमाकू मिनीटोंग खुड़हारेकू दोहोनता अरू हँकूरीग मिनीटोंग सरवाहाय दोहोनता।

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

इबरानी 7:2

हनते इबराहीम हनाँय एचेरे लड़ाइते जितावनेनखन लुड़ी अगूत आन-धान अते दस बंटारे मी बंटाय ओवातिडिया। हाँयग मलकिसिदिकराः ञावराः अरत सतायराः राजा हवे। मनदो सालेमराः अरत सलसत हवे। हनालगा हाँय सलसतराः राजा हों इदानिया।

इपीसी 4:16

जमा देह गेनेँट गेँटते जोड़ावतो दोहोनता, हनन इया मसी अबू मिनी जुमूटरेय दोहोबूता। देहराः एटाः एटाः दगलीकून इया अबू अँननबूराः बुताबू बुताता दो जमा देह हरानता अरू अलार-दुलाररेबू बड़ियाड़ जुवाःता।

इपीसी 3:15

हाँय अगीते सेरमो अरू ओतरिकुःआ जनामाकू अँकूराः ञावकू पवाःता।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

एहुना 11:52

एहूदाकू एकला लगा कोवान मनदो सितिर बितिरयनाकू हँकुःआ भगवानरिकुःआ जमा होड़कू एचे जुमावकेडखन मिनीगोडकू लगा होंय गुजुःता।

इपीसी 2:17

हाँय वेगनेनखन भगवान अते तोरेकू दोहोना अरू भगवानराः लेसानरेकू दोहोना, हँकुःआ जमा होड़कू एचेरे सलसतराः सरवने कता उदुःतेरा।