इपीसी 1:23 - Korwa Bible

²³ दो कलसिया मसीराः देह हवे अरू कलसिया हाँयराः जीवते पेरेगतो इदा। अरू हाँय अनँयग आँयगते जमाकून जमा इयाय एचे पुरावगोडता।

इपीसी 1:23 Referans Kwoze

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

इपीसी 3:19

अबूराः कनहूनते ओरोबू ओंगोल तजाः अवेतेरा, हना दुलारबू सुदी अवेय लगा होयिंग अरजीतना, जेमहा भगवानराः जमालेःआते अपेराः जीव उडु-बुडू जुवाः।

इपीसी 4:10

लतार अगीय उतरावनेना, हनाँय सेरमो अते सेनेरमोय रकबयना। हनाते हाँयके जमा राइजबड़ीरे हातपात होयाःता।)

1 कुरिंती 15:28

भगवान जमा बरानाः हाँयराः आड़रेय जिमागोतेरा दो, हाँय हों अनँयग आँयग भगवान आड़रेय जिमा जुवाःता। अरू भनगवान हमा जमाकू एचेरेय राइजगेता।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

कुलूसी 3:11

नाःआ नँवा जीवरे तोनोंग इयाःआ हिगार हटिंग कोवानेःआ। खतनाकू एचेयता हँकुःआ एहूदाकू, सहे मेरकू खतनानता हँकुःआ बेगर एहूदाकू सहे जोडेकू सहे अलीगवारकू, सेवकियाकू सहे मालिककू, अबू तोनोंगीग एटाः कोवाबुःआ। मनदो मसी एकला मनारंग इदानिया अरू हनाँय अबू जमाकूराः जीवरे इदानिया।

इपीसी 2:16

कुरूसरे हाँय गोएगनेनखन एहूदाकू अरू बेगर एहूदाकूराः हिनइस-बिनइसे चलाः एंडाकेरा, अरू मिनी देह इया भगवान सुदाय एचे हेल-मेलगोतेडबुःआ।

1 कुरिंती 12:6

ननन इया अबू एटाः एटाः बरान सेवाकूनबू सेवाता, मनदो मिनीटोंग भगवान नाःआ इयाःआ जमा सेवाकून सेवा लगा अबू संघरावाबू घड़ीने एचेयता।

रूमी 13:5

अपे हँकूराः डंडियाव अते बनसाः लगा एकला हँकूराः आड़रे अहापे दोहोन, मनदो अपेराः इंदरी कतायता, नाःआ सताय हवे, माःआन, हनानाःपे एचे।

इपीसी 4:4

भगवान अबूय राःकेडबुःआ दो अबू जीवरे मिनीटोंग असरा इदा। हनन इया अबू जमाकू मिनी देहराः दगलीकून इदानबुःआ अरू अबू जमाकू एचेरे भगवानराः सुद बिरुवा मिनीटोंग इदा।

इपीसी 3:10

भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

इपीसी 4:13

अबू जमाकू बिसवास बदीरे अरू भगवानरीग बेटातराः सुदी बदीरे मिनी ओंगोलते ईसू मसी इया जमालेःआते उडु-बुडू अरीनबू होया जुवाः वरीते नाःआ इयाःआ सेवाकून सनालावगोड ञवन लगा इदा।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।