Biblia Todo Logo
Bib sou entènèt

- Piblisite -




कुलूसी 4:10 - Korwa Bible

10 परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

Gade chapit la Kopi




कुलूसी 4:10
17 Referans Kwoze  

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।


ईंग सुदा लूका एकला इदानिया। ईंगराः सेवारे संघरा एमेवायिंग लगा मरकूस होंम अगूगेय।


ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।


दो अले अदरमितियूम सहर अते वेजेडा मीटोंग जहाजरे देगनेनखन आसिया राइजराः सियाँ सरहद होरते समुंदररे सेन लगाले बुँहड़ीतेरा। अरू अले सुदा अरिसतरकूस होंय दोहोना। हाँय मकिदुनिया राइजराः तिसलूनिका सहररीग होड़े दोहोना।


बिरिया सहररीग पिरूसरीग बेटात सोपतरोस, अरिसतरकूस, तिसलूनिका सहररीग सिकंदूस, दिरबेरीग गायूस, आसिया राइजरिकिनाः तुकिकूस अरू तुरोपिमूस, अरू तिमुतियूस, हँकू जमाकू हाँय सुदाकू सेनेडा।


नाःआ कता पतरस सुदीतेड दो, हाँय एहुनारीग एंगात मरियमराः ओड़ाःरेय सेनेडा। हाँयग एहुनाराः एटाः ञाव दोहोना मरकूस। हंडा मुरुक होड़कू जुमावनेनखन भगवान एचेरे पतरस लगाकू अरजीःआ।


बाबील सहररे इदानकुःआ सुनावतो होड़कू अपेकू सलामतना। ईंग बेटा इयायीग मरकूस हों अपेय सलामतना।


अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।


हाँय ईंग लगा अरू मुरुक बगरा होड़कू लगा होंय संघरावातेडलेःआ। हनालगा हाँय अपे एचेरेय सेन मेला नपायतेपे नेत-नेवारगेय अरू अपे भगवानरिकुःआ सुद होड़कूपे मान मरजइतता हनन इया हाँय होँपे संघरावा।


हनते पउलूस अरू आँयग सउंगताकू पाफूस अते जहाजते पंपुलिया छतरराः पिरगा सहररेकू सोदोरनेन। मनदो एहुना हँकिन अड़ाःतेडखन एरुसलेम सहर अगीय कुदायान।


दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)


हँकिन सइपरास डुगुराः सलामीस सहररेकिन सोदोरनेन दो हँकिन हंडाःआ अरजी ओड़ाःरिकुःआ एहूदाकू एचेरे भगवानराः सरवनकिन परसार उदुःतेरा। एहुना हँकिन सुदा संघरा होड़ इयाय दोहोना।


बरनाबास अरू साहूल अँकिनराः सेवा चबातेडखन एरुसलेम सहर अते अंतकिया सहर अगीकिन कुदायान। सेनेन मेला हँकिन सुदा एहुनाकिन गोःयाड। अरू हाँयग एहुनाराः एटाः ञाव दोहोना मरकूस।


ईसू मसी बदीरे नुँहू जेहेलरे ईंग सुदा इदानिया हाँयग इपापरास अगीते आम लगा मसी सलाम।


Swiv nou:

Piblisite


Piblisite