कुलूसी 3:22 - Korwa Bible

²² ने सेवकियाकू, अपेरिकुःआ मालिककू अपेकू ञेलता, हनमेला एकला अहापे बुता बोनाः। मनदो अपे मिनी जीवते परबूराः अकूस मनाः घड़ीन हँकूराः जमा कताकूनपे मनाः।

कुलूसी 3:22 Referans Kwoze

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

कुलूसी 3:20

ने लइंकू, अपे अँननपेरिकुःआ एंगा-अपाराः जमा कताकूनपे मनाः दो, परबू अपे सुदाय ननाय जुवाःता।

लूका 6:46

ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना?

पिलेमोन 1:16

नुँहू वरीते, हाँय आम लगा, बेगारी होड़ एकला ना लवे। हाँय आमराः बिसवासी बोहोम हों इदानिया। हाँय ईंग मुरुकिंग दुलारगेयतना अरू ईंग अते आम लगा हाँय मुरुक नपाय इदानिया। हाँय एकला आमरीग बेगारी होड़ ना लवे, मनदो आम परबू ईसू एचेरेम बिसवासगेतना, हान इया हाँय होंय बिसवासगेतना।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

लूका 7:8

ईंग मी होड़ एचेरेयिंग कतायता, दूमे, दो हाँय सलाव जुवाःताय। अरू मी होड़ एचेरेयिंग कतायता, दबूमे, दो हाँय ईंग एचेरेय वेग जुवाःता। अरू ईंग सेवकिया होड़ एचेरेयिंग कतायता, बुतामे, दो हाँय बुताता। हनालगा आम कतागोड दो, ईंगरीग सेवकिया होड़ नपाय जुवाःता।”

मती ओजाःतेरा भगवानराः नपाय सरवन 8:9

ईंग होड़कूराः आड़रे इदानिंगा, अरू ईंगराः कता मनाः सइना होड़कू हों इदानकुःआ। ईंग मी होड़ एचेरेयिंग कतायता, दूमे, दो हाँय सलाव जुवाःताय अरू मी होड़ एचेरेयिंग कतायता, दबूमे, दो हाँय ईंग एचेरेय वेग जुवाःता। ईंग सेवकिया होड़ एचेरेयिंग कतायता, नाःआ बुताम एचे, दो हाँय हनानाः बुताय बुताता।”

मती ओजाःतेरा भगवानराः नपाय सरवन 6:22

अपेराः मेड देहराः ढिबरी इया इदा। मेड नपाय दोहोन दो, अपेराः जमा देह दगलीकून मरसल जुवाःता।