कुलूसी 3:16 - Korwa Bible

¹⁶ मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

कुलूसी 3:16 Referans Kwoze

इपीसी 5:19

अँननपे अपे जाग सेरेंगकून, लंबी मसी सेरेंगकून अरू सुद बिरुवाते सगरावतो सेरेंगकूनपे सेरेंग उदुः होड़ेंग। अरू अँननपे अपेराः इंदरीते भगवान लगा सेरेंगकेडखन हाँयपे जागगोड ञवन।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

रूमी 10:17

दो तोनोंगीग होड़ बिसवासगे लगा इदान दो, हाँय मड़ंगरे मसी बदीरे नपाय सरवन अअयूम लगा इदा।

1 एहुना 2:24

ईसू बदीरे मड़ंगरेपे अयूमकेरा हना कता सगर बेला अपे जीवरेपे दोहोगे दो, अपे अपांग भगवान सुदा अरू भगवानरीग बेटात सुदा नपाय नतारे इदानपेःआ।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

2 एहुना 1:2

भगवानराः सताय सरवन अबूराः बिसवास बड़ियाड़गोडता अरू हना सरवन सगर सइट वरी अबू जीवरे दोनोहोनता।

2 तिमुतियूस 3:15

लनँइग वरीते नपायतेम सुदी अगूयतना हना सरवन भगवानराः कागदरे ओजाःतो इदा। हनानाः सरवन ईसू मसी एचेरे बिसवासकेडखन सडाः लगा कनहून एमेवामता।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

उदुःतो कताकून 5:9

हनते हँकुःआ चूबीसगोटोंग जीव-जंतूकू अरू मी कुड़ी चइरगोटोंग मूक होड़कू, नाःआ नँवा सेरेंगकू सेरेंगा; “ने परबू, आमकू ञेड गोएगतेरा, अरू आमराः बलंगीते जमा देसरिकुःआ होड़कू, अरू एटाः एटाः भासीरिकुःआ होड़कू, अरू जमा जइत होड़कू अरू जमा खमदानरिकुःआ होड़कू, हँकुःआ जमा होड़कू भगवान लगाम सडावगोतेडकुःआ। हनालगा आम नाःआ कोंडोड़तो कागद अरू मोहर लड़ा जुकूर इदानमेःआ।

1 एहुना 2:27

मनदो अपे लगा भगवान सुद बिरुवाय एमेकेरा। दो तोनोंगीग एटाः होड़ अपे चेडपे लगा कोवानेःआ। सुद बिनिरुवा अपे जमा कताकून एचे सुदीपेता अरू हाँय उदुःवापेता हना कता लबरा ना लवे, मनदो सनाताय हवे। सुद बिरुवा अपेय चेडकेरा हनन इया मसी सुदापे सनालावगोड ञवन।

कुलूसी 4:6

अपेराः बुतुड़ु हेलेम-हेलेमते उंबार उडुंगगुःता इया होयाः, जेमहा अपे होड़कूराः जबापरे नपायते कता कुदा अवे लगापे सुदीय।

इपीसी 5:17

अरू ननानाः लगा अपे बोको होड़कू इया अहापे दोहोन, मनदो भगवानराः हिछा चेले माःआन इदा, हना नपायतेपे बुझाः।

एकूब 5:13

अपे अते तोनोंगीग होड़ सिकिसतारे इदानीग दो, हाँय अरजीगेय। बहालरे इदानीग दो, हाँय भगवान जाग घड़ीने सेरेंग।

तितूस 3:6

भगवान अबूरीग सडावदार ईसू मसीते आँयगराः सुद बिरुवा अबू लगा मिनी जीवकेडखने एमेकेरा,

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

उदुःतो कताकून 15:3

अरू भगवानरीग सेवकिया मोसेसराः सेरेंग अरू भेड़ा होनराः सेरेंगकू सेरेंगा, “ने अगम जंगरदार परबू भगवान, आमराः बुता मरंग अरू बयाव जुवाः इया इदा। ने जूग परिया वरीयीग राजा, आमराः दूर नपाय अरू सताय हवे।

1 एहुना 2:14

ने ईंगरिकुःआ लइंकू इया होड़कू, अपे अबूरीग अपांग भगवानपे सुदीयतना। ननानाः लगा अपे लगा ईंग ओजाःगेतना। ने सपायाड़कू इया होड़कू, अपे नाःआ चउंदीसराः मनाड़ंगतेय दोहोना हाँयग भगवानपे सुदीयतना। ननानाः लगा अपे लगा ईंग ओजाःगेतना। ने डिंघा होड़कू, भगवान एचेरे अपेराः बिसवास बड़ियाड़ इदा अरू अपे जीवरे भगवानराः सरवन जमा बेला दोहोनता, अरू बेलूर इदानिया हाँयग कलउपे हरुवावकेरा। ननानाः लगा अपे लगा ईंग ओजाःगेतना।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

2 तिसलूनिका 3:15

हनारे हों हँकुःआ होड़कू मुदइ होड़कू इया अहापे ओंगोलकू मनदो हँकू नपाय वपक बोपोहकूतापे इयापे सेतावकू।

1 तिसलूनिका 4:18

हनालगा नानाः कता घड़ीन अपे कता बहाल होड़ेंगगोड ञवनपे।

1 कुरिंती 14:15

दो ईंग चिलायिंग एचे? ईंग बिरुवाते होयिंग अरजीता अरू ओंगोल चुवेरगे घड़ीन होयिंग अरजीता। ईंग बिरुवाते होयिंग सेरेंगता अरू ओंगोल चुवेरगे घड़ीन होयिंग सेरेंगता।

मती ओजाःतेरा भगवानराः नपाय सरवन 26:30

हनते हँकू मीटोंग सेरेंग सेरेंगनेनखन जइतून पहाड़ होर तोराकू।

रूमी 15:14

ने अजी बोपोहकूतिंग, ईंग इनिंग अपे बदीरेयिंग सुसुदीतना, अपे सतायरे नपाय होड़कू इदानपेःआ अरू भगवानराः कताकून नपायतेपे सुसुदीतना अरू अँननपे अपे चेड होड़ेंग अवेनता।

लूका 2:51

हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

उदुःतो कताकून 14:3

हँकुःआ होड़कू गदीराः मड़ंगरे अरू चइरगोटोंग जानरकू अरू चूबीसगोटोंग मूक होड़कू मड़ंगरे मीटोंग नँवा सेरेंगकू सेरेंगा। भगवान चउंदीस अतेय सडावतेडकुःआ, हँकुःआ मी लाक चउवालीस हजार होड़कू एनेकला हना सेरेंगकू चेड अवेनेना।

इपीसी 5:26

भगवानराः सरवनते कलसिया, दाःतेकू बुहाल अमिंगगुःता हनन इया सुदगे लगा मसी अनँयग आँयग जिमानेना,

1 तिसलूनिका 1:8

दो अपे अते नाःआ बनर राइजरे परबू ईसू मसीराः नपाय सरवन एकला मेर सिंटावगना, मनदो अपेराः बड़ियाड़ बिसवास बदीरे हों एटाः एटाः देसरे सिंटावयना। हनालगा अपेराः बिसवास बदीरे तोनोंगीग एचेरे अले उदुःवाकू लगा तोनोंगाः जरूरी कोवानेःआ।