कुलूसी 3:10 - Korwa Bible

¹⁰ अपेराः लूर-नेवन नँवायना। अरू अपेरीग तुलादार भगवान आँयगराः लूर इया अपेराः लूर-नेवने नँवागोड ञवनता, जेमहा अपे हाँय, अनउर नाय नपायतेपे सुदी अवेय।

कुलूसी 3:10 Referans Kwoze

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

कुलूसी 3:12

अपे भगवानरिकुःआ सुद अरू सुनावतो निकता होड़कू इदानपेःआ। हनालगा सोगादारकू अरू देनहारकू अरू हुडिंग ओंगलुः होड़कू अरू सहाव अवेय होड़कू अरू सुधा होड़कू इया अपेराः लूर नेवन होयाः लगा इदा।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

कुलूसी 3:14

नाःआ जमाकूनपे एचेगोड ञवन। मनदो नाःआ अते अरू बगरा अपे अलार-दुलार होड़ेंगपे। दो अपे हेनेल-मेलरेपे दोहो अवेनता।

1 एहुना 2:5

तोनोंगीग होड़ भगवानराः कता इयाय एचेयता दो हाँय भगवान सतायतेय दुलारगेयता। नान अते अबू सुदीयता हाँय भगवानरीग होड़ हवे।

रूमी 13:14

अपेराः इंदरी कसूर लूर-नेवन इया जियाः लगा चहाःता, मनदो अपे हनानाः ओंगोल इया अलोपे सलाः अरू नँवा सोनहेपे तुसिंगता हनन इया ईसू मसीपे तुसिंगका।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

उदुःतो कताकून 21:5

हनते गदीरे दुड़ुःतोय दोहोना हाँय ईंग एचेरेय कतातेरा, “ईंग जनामायिंग नँवागोडता।” हनते अरूय कतातेरा, “नाःआ सरवन जमाकून सताय अरू भरसागे इया इदा। हनालगा नाःआ ओजाःगेमे।”

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

गलातिया 6:15

अपे खतनात होड़कू सहे बेगर खतनात होड़कू इदानपे हों अपे बदीरे भगवान एचेरे एटाः इयाःआ ओंगोल कोवानेःआ। मनदो मइद कता ननानाः हवे; ईसू मसीते भगवान अपेराः जीवे नँवागोतेडा।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

रूमी 13:12

रइत चबनतना अरू दिन दरवाःआ। हनालगा अपे अंदरा इयाःआ बेलूर बुताकून अड़ाः एंडाकेडखन नपाय लूर-नेवनराः मरसल इयाःआ बुताकूनपे एचेय।

गलातिया 3:27

अरू अपे बतिसमाते ईसू मसी सुदापे मिनीयना अरू नँवा सोनहेपे तुसिंगतान इया अपेराः लूर-नेवन ईसू मसीराः इया होयायना।

इबरानी 6:6

हँकू भगवानरीग बेटात, अरू कुरूसरे ठोंकावकिडिगखन जमाकू मड़ंगरेकू एचे बेग-हतावायता। हनालगा हँकू बिसवास अतेकू एटाः जुवाः दो, बिसवासरे अरू कहियो ओरोबू कुदा अवेतेडकुःआ।

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

2 कुरिंती 4:16

अलेराः देह लाय एंडानता, मनदो अलेराः जीव सगर दिन नँवा इदीनतना। हनालगा अले मेरले हदराःता।

पिलेमोन 1:6

ईंग अरजीतना आम जमा बिसवासी होड़कू सुदा संगइतीरे अरूम बगरा जुवाः, जेमहा भगवान अबू लगा ईसू मसीते अबू जीवे भलावातेडा हना बदीरे अरू नपायतेम बुझाव अवेन।