कुलूसी 3:1 - Korwa Bible

¹ भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।

कुलूसी 3:1 Referans Kwoze

रूमी 8:6

कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।

मती ओजाःतेरा भगवानराः नपाय सरवन 6:33

मनदो मड़ंगरे अपे भगवानराः राइजराः कताकून अरू बेगर गारबार जीव जियाः लगापे ञाम। दो नाःआ जमाकून हों अँननपेराः होया जुवाःता।

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

कुलूसी 3:2

अपे चउंदीसराः ओंगोलरे अहापे दोहोन, मनदो अपे सेनेरमो देसराः ओंगोलरेपे दोहोन।

मती ओजाःतेरा भगवानराः नपाय सरवन 6:20

मनदो अँननपे लगा सेरमो देसरे आन-धानपे बटुड़ाव। हंडा दियाँकू मेरकू जोम अवेयता अरू मेर किचियाःता अरू इनिग होड़कू मेरकू अडिग गोः अवेयता।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

लूका 12:33

अपे अँननपेराः आन-धान अकिरिंगवाडखन होड़कूपे हटिंगगोडवा। अरू मेर जुनानता हना बगली अपे लगापे तुलाय। मेर चबानता अरू इनिग होड़ मेरेय इनिग अवेयता अरू दियाँकू मेरकू जोम अवेयता हना इयाःआ आन-धान सेरमो देसरेपे जुमावगोड।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

लूका 22:69

नुँहू वरीते मनुवारीग बेटात अगम जंगरदार भगवानराः खउना तिःई अगीय दुडुःकुःता।”

कुलूसी 2:20

अपे राइजबड़ी बदीरे मड़ंग जूगरिकुःआ होड़कूराः चेडतो लगा ईसू मसी सुदा गोएगतो इया इदानपेःआ। दो अपे चिला लगा नँकुःआ होड़कूराः नियमकून इयापे सलाःतना?

इबरानी 8:1

दो मनइद कता ननानाः हवे। अबू लगा सेरमो देसरे भगवानराः खउना तिःई गतररे दुड़ुःतो मरंग मूक पुजउरी ईसू हवे।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।

मती ओजाःतेरा भगवानराः नपाय सरवन 26:64

दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”

इपीसी 4:10

लतार अगीय उतरावनेना, हनाँय सेरमो अते सेनेरमोय रकबयना। हनाते हाँयके जमा राइजबड़ीरे हातपात होयाःता।)

मरकूस 14:62

दो ईसू कतातेड, “ईंग हवे अरू अपे मनुवारीग बेटात अगम जंगरदार भगवानराः खउना गतर दुड़ुःतोय अरू सेरमो देस अते बदरीरे उतराव वेगतोपे ञेलेयता।”

इबरानी 1:13

सेरमो देसरिकुःआ बराहीलकू अते तोनोंगीग एचेरे भगवान नाःआ इयाय कतातेरा जा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना गतर दुडुःकियानखन आम ईंग सुदाम राइजकू?

मूक चेलाकू 2:34

दो दाऊद राजा सेरमो देस अगी मेरेय देगगना, मनदो हाँय अनँयग आँयगे कताया, परबू भगवान ईंगरीग परबू एचेरेय कताया, ईंग आमरिकुःआ मुदइ होड़कू हरुवावकेडकूखन

लूका 20:42

दो हनाँय सेरेंगकूनराः कागदरे नाःआ इयाय ओजाःकेरा, परबू ईंगरीग परबू एचेरेय कताया, ईंग आमरिकुःआ मुदइ होड़कू हरुवावकेडकूखन

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

मरकूस 12:36

दो दाऊद अनँयग आँयग सुद बिरुवाते पेरेगनेनखने कतातेरा, भगवान ईंगरीग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतर दुडुःकियानखन आम ईंग सुदाम राइजकू।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

मूक चेलाकू 7:55

मनदो इसतपनूस, भगवानराः सुद बिरुवाते पेरेगनेनखन सेरमो अगीय संगीलतेरा। दो हाँय भगवान अगीतेःआ मरसले ञेलतेरा अरू ईसू भगवानराः खउना गतर चड़ाँतेय ञेलतिरिया।

मती ओजाःतेरा भगवानराः नपाय सरवन 22:44

परबू भगवान ईंग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतरमे दुडुःकियानखन आम ईंग सुदाम राइजकू।

इपीसी 5:22

ने अइमीकू, अपे परबू ईसू मसीराः आड़रेपे दोहोनता हनन इया, अपे अँननपेरिकुःआ हेपेरेलकूराः आड़रेपे दोहोन।