कुलूसी 2:20 - Korwa Bible

²⁰ अपे राइजबड़ी बदीरे मड़ंग जूगरिकुःआ होड़कूराः चेडतो लगा ईसू मसी सुदा गोएगतो इया इदानपेःआ। दो अपे चिला लगा नँकुःआ होड़कूराः नियमकून इयापे सलाःतना?

कुलूसी 2:20 Referans Kwoze

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

कुलूसी 2:16

हनालगा अपे ञूय-जोम बदीरे, सहे तोनोंगाः परोब बदीरे सहे आँच तेपेनराः परोब बदीरे सहे लोड़ोनराः दिन बदीरे तोनोंगीग अपे अलोय फड़ियावपे।

गलातिया 4:3

हनन इया अबू हों हँकुःआ लइंकू इया नाःआ चउंदीसराः रिता-रिता चेडतो इयाबू सलाःआ।

कुलूसी 2:14

अबू नियमबू टड़ावतेरा, हना कसूर कराजराः नुटिस अबू बदीरे दोहोना, हना भगवान चलाः एंडागोतेडा, अरू कुरूसरेय ठोंकाव एंडागोतेडा।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

2 कुरिंती 10:3

अले चउंदीसरेले दोहोनतान हों चउंदीसरिकुःआ होड़कू इया मेरले कड़ीगता।

एहुना 15:19

अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।

कुलूसी 3:3

अपेराः जुना जीव टुटीगयना अरू अपेराः नँवा जीव मसी सुदा भगवान एचेरे जबीततो इदा।

कुलूसी 2:21

नाःआ चउंदीसरिकुःआ होड़कूराः रिती-बिधीरे हँकू कतायता, अपे नाःआ अहापे उपयोतगे, नाःआ अहापे जोम, नाःआ अहापे टोँवावगे, माःआन।