कुलूसी 2:18 - Korwa Bible

¹⁸ भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

कुलूसी 2:18 Referans Kwoze

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

1 तिमुतियूस 1:7

हँकुःआ होड़कू नियम चेडदार होड़कू बड़ाँः लगाकू चहाःतना अरू डीड़ घड़ीन मरंग मरंग बड़राकू बड़राता। मनदो हँकू मेनेरकू सुदीयता हँकू चिला बदीरेकू पकियागेता अरू चिलाकू बड़रातना हना।

कुलूसी 2:23

नाःआ जमा नियमकून नपाय कनहून इया ञिलुःता। अरू होड़कू अँननकूराः ओंगोलते भगवानकू जागता अरू अँननकू हुडिंग अडिगता अरू अँननकूराः देह-जंगरकू कटसीयाता। मनदो नाःआ इयाते होड़कूराः जीवराः बेलूर ओंगोल ओरोकू चलाः एंडा अवेतेरा।

1 तिमुतियूस 4:1

भगवानराः सुद बिरुवा नपायते उदुःगेता, दरवाःआ हना बेला अदोम होड़कू बहकावकूता हना भूतकूराः चेडरे बिसवासकेडखन सताय बिसवासकू अड़ाःगोडता, माःआन।

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।

रूमी 1:25

हँकू भगवानराः बदीरे सतायकू सुदीयतान हों, लबरा कतारे बिसवासगे लगाकू मंजूरयना। अरू भगवान अड़ाःतेडखन हाँय तुलाकेरा हना जिया-जउतकून जाग घड़ीनकू सेवायतना। मनदो राइजबड़ीरीग तुलादार भगवान एकला जागगे इयायीग इदानिया। आमीन!

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।

1 एहुना 2:26

तोनोंग तोनोंग होड़कू अपे अडिग लगाकू ओंगलेता। हनालगा ईंग अपे सेताव घड़ीनिंग ओजाःगेतना।

पिलिपी 3:14

बतकाः होड़कू इमान पवाः लगा तक-तकावकियानखनकू बतकाःता हनन इया ईसू मसीते सेरमो देसराः इमान पवाः लगा भगवान ईंगे राःकेरा।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।

कुलूसी 2:4

तोनोंगीग अँकूराः मोहाः इयाःआ बड़राते, अपे अहाकू अडिग अवेपे लगा, ईंग नाःआ इयायिंग कतावापेतना।

2 कुरिंती 12:20

ईंग बोरतान इया, ईंग अपे एचेरेयिंग सेन मेला ईंग चहाःता हना अते एटाः इया अलोयिंग सेने ञामपे अरू अपे हों ईंग एचेरेपे असराता हना अते एटाः इया अलोयिंग होयाः। अपे एचेरे कड़ीग, इरा, रीस, हिगार हटिंगगुः, ओपता होड़ेंग, चुबली होड़ेंग, बड़वारगुः अरू गड़ोयग-मड़ोयग इदा माःआनिंग बोरतना।

1 कुरिंती 13:4

एटाः होड़कूय दुलारता हाँयग होड़ मयादार अरू सहाव घड़ीने दोहोनता। हाँय मेरेय इरावाकूता, सहे मेरेय बड़वारता। हाँय मेरेय फुलाईता,

1 कुरिंती 9:24

अपे मेरपे सुसुदीतना जा, इमान पवाः लगा बतकाः होड़कू जमाकू बतकाःता, मनदो मिनी होड़ इमाने पवाःता? दो अपे जिताःराः ओंगोलरेपे बतकाः।

1 कुरिंती 4:18

अपे अते तोनोंग तोनोंग होड़कू, हाँय अबू एचेरे ओरोय वेजेडा, माःआन ओंगोलतेडखनकू बड़वारतना।

1 कुरिंती 3:3

नुँहू वरी अपे अँननपेराः मनबिदियारेपे सलाव ञवनतना। हनालगा अपे जीवरे इरा अरू कड़ीग इदा। दो अपे एचेरे कसूरराः लूर नेवन कोवानेःआ जा? अरू चउंदीसरिकुःआ होड़कूराः ओंगोल इया मेरपे सलाःतना जा?

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

1 कुरिंती 4:6

ने अजी बोपोहकूतिंग, ईंग अपोलोस बदीरे अरू इनिंगराः बदीरे, ओजाःतो इदा हना अते बगरा एचेय लगा कोवानेःआ माःआन अपेराः नफा लगा अउल-तउल इयायिंग कताकेरा। अरू हन अते अपेके अलिंग अते चिडुः लगा इदा। दो अपे अलिंग बदीरे, मी होड़ एटाः होड़ अते ननपाय इदानिया माःआन, अलिंग बदीरे अलोपे बड़वार।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।