कुलूसी 2:15 - Korwa Bible

¹⁵ अरू कुरूसरे ईसू मसी गोएगनेनते, भूतकू अरू अँकूरिकुःआ जमा हातपातदारकू हरुवावतेडकूखन, जमाकू मड़ंगरेय एचे गियूगोतेडकुःआ।

कुलूसी 2:15 Referans Kwoze

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

इपीसी 4:8

भगवानराः कागदरे नाःआ इया ओजाःतो इदा, हाँय अनँयगराः उनुसूल ततेररेय रकबयान, अरू तोलतो होड़कू गुतु गुतुय गोःयाडकुःआ। अरू अनँयगरिकुःआ होड़कू लगा दहिनकूने एमेवाडकुःआ।

मती ओजाःतेरा भगवानराः नपाय सरवन 12:29

ईसू अरूय कताया, “मी होड़ जंगरदार होड़ अरीन तोल रहावगेय अते मड़ंग करा उड़ी एटाः होड़ हाँयग जंगरदार होड़राः ओड़ाःरे बोलोकियानखन हाँयराः जिनिसकूने उडुंग अवेयता? हाँयग होड़ मड़ंगरे हाँयग जंगरदार होड़े तोलता दो, हाँयग होड़राः जिनिसकूने उडुंग गोः अवेयता।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

लूका 10:18

दो ईसू हँकू एचेरेय कताया, “कलउ सेरमो अते बोंगा लोम उड़ी भगवान एचे कसड़गोतेडिया, हनायिंग ञेञेला।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

कुलूसी 1:16

जमालेःआ हनाँयते भगवान तुलाकेरा, सेरमो देसरे अरू ओतरे इदा हना जमाकून, अरू होड़कू ञेल अवेयता अरू मेरकू ञेल अवेयता जमा बरानकुःआ जंगरदारकू अरू हातपातदारकू सेरमो देसरिकुःआ बराहीलकू अरू जमा बरानकुःआ भूतकू, नाःआ जमालेःआ हनाँयते अरू हनाँय लगा भगवान तुलाकेरा।

लूका 11:22

मनदो हाँय एचेरे आँयग अते बगरा जंगरदार होड़ वेगता दो, आँयग असरागेःआ हना कड़ीगराः अवजारकून बगरा जंगरदार होड़ लुड़ीगोःयाता अरू हाँय ओड़ाःराः जमा जइतकून गोःवाडखने हटिंगगोडता।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

एहुना 19:30

दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।

1 कुरिंती 15:24

हना तयोमरे राइजगेताकू हँकुःआ होड़कू अरू हातपातदारकू अरू जंगरदारकू हरुवावकेडकूखन ईसू मसी अपांग भगवान एचेरे राइजे जिमागोडता। हनमेला चउंदीस टुटीग जुवाःता।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

इपीसी 3:10

भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।