कुलूसी 2:11 - Korwa Bible

¹¹ अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।

कुलूसी 2:11 Referans Kwoze

रूमी 2:29

मनदो भगवानराः ओंगोल इया नपाय जीव इदा, हनाँयग होड़ सतायते एहूदा होड़े दोहोनता। ओजाःतो सरवन इया जीव-धार गेड अते सताय खतना मेर होयाःता, मनदो जीव अते बेलूर कताकून भगवानराः सुद बिरुवा चलाः एंडागोडता दो, हनानाः हवे सताय खतना। नाःआ इयायीग होड़ होड़कू अगीते कोवान, मनदो भगवान अगीते मान मरजइते पवाःता।

पिलिपी 3:3

मनदो अबू भगवानराः बिरुवाते हाँय जाग घड़ीन ईसू मसीबू मान मरजइतता। अरू होड़कूराः खतना इयाःआ रिती-बिधीरे मेरबू भरसाता। हनालगा सताय खतनात होड़कू अँननबू हवे।

इपीसी 4:22

अपे नाःआ इया मड़ंगरेकू चेडतेडपेःआ। बेनेलूर ओंगोलते लायगुःआ अपेराः जुना जीव अड़ाः एंडाकेडखन,

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

इबरानी 9:11

दो नुँहू मसी, नाय नपाय कता-जमकावतोरीग मरंग मूक पुजउरी बड़ाँवकियानखने वेगकिया। हाँय मड़ंगाः टपइर ओड़ाः अते मरंग अरू बेगर गारबारराः टपइर ओड़ाःरेय बोलो पारयना। हना टपइर ओड़ाः तोनोंगीग होड़ मेरेय तुलागतेरा अरू हान नाःआ चउंदीसरे कोवानेःआ।

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

मूक चेलाकू 17:24

भगवान नाःआ चउंदीस अरू चउंदीसराः जमा जिनिसकूने तुलाकेरा। हाँय जमा सेरमो अरू ओतरीग मालिक हवे अरू हाँय होड़कू तुलायता हना तोनोंगाः मंदिररे मेरेय दोहोनता।

मूक चेलाकू 7:48

हनारे हों भाबी भगवान होड़कू तुलायता हना ओड़ाःरे मेरेय दोहोनता। भगवानराः बड़रा कतायीग होड़ कतातेरा हान इया,

लूका 2:21

मरियम भरी-पावगुः अते मड़ंग, सेरमो देसरीग बराहील लँइगराः ञाव ईसू माःआन साब लगाय कतातेरा। दो हाँयग लँइग आठ दिनरे एहूदाकूराः रिती-बिधी इयाकू खतनातिरिया। दो हाँयराः ञाव, ईसू माःआनकू साबतेरा।

मरकूस 14:58

नाँयग होड़ नाःआ इयाय कताया हनाले अयूमकेरा, तिःईतेकू तुलाकेरा हना भगवानराः ओड़ाः एचे रूब एंडागोडतिंग अरू तिःईते मेरकू तुलागरा एटाःआ ओड़ाः पेय दिनरेयिंग तुलागोडता, माःआन।

रूमी 7:24

ओहरे, दइया! ईंग अनाडतो होड़ इदानिंगा। दो नाःआ गुजुः इया देहते इये ईंगे सडावगींगता?

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।