कुलूसी 1:9 - Korwa Bible

⁹ ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

कुलूसी 1:9 Referans Kwoze

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

1 पतरस 2:15

भगवान चहाःतना, अपे नपाय बुतापे एचेगोड ञवन दो, बेगर लूरतेकू बड़राता हँकुःआ बोको होड़कूराः आह रिपूट जुवाःता।

2 तिसलूनिका 1:11

दो भगवान अपेय राःकेडपेःआ हनानाः जीव जुकूरेय बड़ाँवगोडपे लगा अरू अनँयग जंगरतेय अपेराः बिसवासराः जमालेःआ नपाय बुता अरू हिछा एचे पुरावगे लगाले अरजीगोड ञवनतना,

1 तिसलूनिका 5:17

जमा बेला अरजीगोड ञवनपे।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

पिलिपी 1:4

भगवानराः नपाय सरवनपे अयूमतेरा, हना दिन वरी हना नपाय सरवन होड़कू एचेरे कता उदुःवाकू लगा ईंगपे सेवा देंगवातेरा।

पिलेमोन 1:4

ने पिलेमोन, ईंग अरजीतान मेला आमिंग उहियार घड़ीन आम लगा जमा बेला ईंगरीग भगवानिंग धनियाबादता।

इपीसी 6:6

अपे बुता लगा अहापे जहंडाव अडिगकू। मनदो मसीरिकुःआ सेवकिया होड़कू इया भगवानराः हिछा मिनी जीवकियानखनपे एचेय।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

1 एहुना 2:17

चउंदीस अरू चउंदीसराः जमा बेलूर ओंगोलकून टुटीग जुवाःता, मनदो भगवानराः कता इयाय सलाःता हाँयग होड़राः जीव तोनोंग बेला ओनोरो टुटीगनेना।

1 पतरस 4:2

अरू हाँय नुँहू वरीते अनँयगराः मनबिदिया इया ओरोय जियावनेना, मनदो भगवानराः हिछा इयाय जियाःता।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

इपीसी 5:17

अरू ननानाः लगा अपे बोको होड़कू इया अहापे दोहोन, मनदो भगवानराः हिछा चेले माःआन इदा, हना नपायतेपे बुझाः।

इपीसी 5:10

अरू भगवान ननायगुःता हना कता अपे चिडुः लगापे कुरनिसगे।

इपीसी 1:8

अरू हाँय अनँयगराः जमा कनहून अरू ओंगोल इया मिनी जीवतेडखने मयावाडबुःआ।

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

मूक चेलाकू 12:5

दो पतरस जेहेलरे सींगतोय दोहोना हनमेला कलसियारिकुःआ होड़कू भगवान एचेरे हाँय लगा अरजी घड़ीनकू असेःआ।

पिलेमोन 1:6

ईंग अरजीतना आम जमा बिसवासी होड़कू सुदा संगइतीरे अरूम बगरा जुवाः, जेमहा भगवान अबू लगा ईसू मसीते अबू जीवे भलावातेडा हना बदीरे अरू नपायतेम बुझाव अवेन।