कुलूसी 1:4 - Korwa Bible

⁴ अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

कुलूसी 1:4 Referans Kwoze

इपीसी 1:15

ननानाः लगा ईसू मसीरे अपेराः बिसवास अरू जमा बिसवासी होड़कू लगा अपेराः अलार-दुलार ईंग अयूमकेरा हना वरीते,

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

1 एहुना 4:16

भगवान अबूय दुलारतना माःआनबू बिसवासतना अरूबू सुदीयतना। भगवान होड़कू मुरुके दुलारकूता। तोनोंगीग होड़ भगवान अरू एटाः होड़कूय अलार-दुलारगोड ञवनता दो हाँय भगवान सुदा मिनी इदानिया अरू भगवान हों हाँय सुदा मिनी इदानिया।

पिलेमोन 1:5

ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।

1 एहुना 3:14

अबू अँननबू बिसवासी वपक-बोपोहकू सुदाबू अलार-दुलारतना। नान अते अबू सुदीयता अबू गोएगतो होड़कू इया कोवाबुःआ मनदो अबू ओरो टुटीगनेना हना जीवबू पवावकिया। होड़कू मेरकू अलार-दुलारकूता हँकुःआ होड़कू गोएगतो होड़कू इया इदानकुःआ।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

कुलूसी 1:9

ननानाः लगा अलिंग नाःआलिंग अयूमकेरा, हना दिन वरीते अपे लगा, भगवान एचेरे अरजीगे लगा मेरलिंग अड़ाःगरा। भगवानराः ओंगोल जमालेःआपे सुदीय लगा, सुद बिरुवाते अपे कनहूनदारकू अरू बुझावदारकू होयाः लगालिंग अरजीगोड ञवनतना,

2 कुरिंती 7:7

तितूस अले एचेरेय वेजेड दो अलेराः जीव अहाल-बहालयान, अरू हाँय अपे सुदाय दोहोन मेला हाँयराः जीव होँपे अहाल-बहालगोतेड। हाँय अपे बदीरेय कतातेरा, हँकू आम बदीरेकू उसाडगुःतना अरू हँकूराः जीव हुडिंग जुवाःता अरू आम लगा मुरुक ओसताजकू दोहोनता, माःआन हाँय अले एचेरेय कता उदुःतेरा दो ईंगराः जीव अनउर अहाल-बहालयान।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।