कुलूसी 1:21 - Korwa Bible

²¹ मड़ंग अपे भगवान अते तोरेपे दोहोना। अपेराः बेलूर ओंगोल अरू लूर-नेवनते अपे भगवानरिकुःआ मुदइकूपे दोहोना।

कुलूसी 1:21 Referans Kwoze

इपीसी 2:12

अपे मसी अते हिगारतोपे दोहोना अरू इसराएल होड़कू सुदा अपेराः तोनोंगाः इताड मेर दोहोगान। भगवानराः जबानरे तोनोंगाः बंटा अपे लगा मेर दोहोगान अरू अपे भगवान मेनेरपे सुदीया अते, बेगर असराते नाःआ चउंदीसरेपे दोहोना।

इपीसी 4:18

हँकू तोनोंगाः मेरकू बुझाःता अरू डोंडोले डोंडो इदानकुःआ अरू हँकू केटेग जीव होड़कू इदानकुःआ। हनालगा हँकू भगवान मेरकू सुदी अवेयता अरू हाँय अते एनेटाःरे इदानकुःआ।

इपीसी 2:19

ननानाः अते नुँहू अपे दुरीन देसरिकुःआ होड़कू इया कोवापेःआ। मनदो अपे भगवानरिकुःआ सुद होड़कू सुदा मिनी देसरिकुःआ होड़कू हवे अरू अपे भगवानराः ओड़ाःरिकुःआ होड़कूपे बड़ाँवयना।

रूमी 1:30

हँकुःआ होड़कू भगवानकू हिनइस-बिनइसवाता, एटाः होड़कूकू एचे बेग-हतागेयता अरू बड़वार होड़कू इदानकुःआ। हँकू कसूरगे लगा नँवा नँवा बुइदकू तुलाता अरू एंगा अपाराः कता मेरकू मनाःता।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

इपीसी 2:15

ईसू अनँयग गुजुःते एहूदाकूराः नियमकून, रिती-बिधी अरू हुकुमकून सुदाय चलाः एंडागोतेडा, जेमहा हाँय बनर गतररिकुःआ होड़कूय एचे राजू नमागोडकू अरू मिनी देह इया सलसतरेय एचे जुमावगोडकू।