कुलूसी 1:18 - Korwa Bible

¹⁸ हाँय कलसियाराः बोः हवे अरू कलसिया हाँयराः देह हवे। हान हनाँयते बुँहड़ीनेना अरू गोएगतो अतेकू जियाव रेमनेना हँकुःआ होड़कू अते मनाड़ंग इनीदानिया। नाःआते हाँय जमालेःआते मनारंगे होयाःता।

कुलूसी 1:18 Referans Kwoze

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।

मूक चेलाकू 26:23

हँकू कतातेड, मसी कटसिया सहावकेडखन जमा गोएगतो होड़कू अते मड़ंगे जियाव रिमुःता अरू ननन इया हाँय अनँयगरिकुःआ होड़कू अरू बेगर एहूदाकू एचेरे मरसल इया भगवानराः सरवने परसार उदुःता।”

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

1 कुरिंती 11:3

अपे नाःआ कतापे सुदीबाःगोड लगायिंग चहाःतना। मेमेडटोंग अइमीकूरीग मूक अँननकूरिकुःआ हेपेरेलकू हवे। अरू जमा मरदकूरीग मूक ईसू मसी हवे अरू ईसू मसीरीग मूक भगवान हवे।

उदुःतो कताकून 22:13

ईंग अलपा अरू ओमेगा, ईंग अते जमाकून रेःएनता अरू इनिंग अते जमाकून लुलिग जुवाःता, ईंग मड़ंगीग अरू टुटीगीग हवे।

इपीसी 5:23

मसी कलसियाराः बोः हवे, हनन इया मरद अइमीराः बोः हवे। कलसिया मसीराः देह हवे अरू हनाँय कलसियारीग सडावदार हवे।

उदुःतो कताकून 21:6

हनते हाँय ईंग एचेरेय कतातेरा, “नाःआ कता पुरावयना। ईंग अलपा अरू ओमेगा हवे। जमाकून ईंग अते रेःएनता अरू लुलिग जुवाःता। ईंग जमा ततंगतो होड़कू जीवराः दाः सूती अते, ञूय लगा बेगर दामतेयिंग एमेवाकूता।

1 कुरिंती 15:25

ईसू मसीरिकुःआ मुदइकू हरुवावकेडकूखन हाँयराः काट हँकू चोटरे चोड रोपाः लगा भगवान अरीने तुलाकू वरी ईसू राइजगोड ञवनता।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 1:8

जूग परियातेय दोहोना, अरू नुँहू इदानिया, अरूय कुदा वेगता, हाँयग अगम जंगरदार परबू भगवान ननाःय कतायतना, “ईंग अलपा अरू ओमेगा हवे।”

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

एहुना 1:27

हनाँयग होड़ ईंग तयोमतेय वेगता अरू हाँयराः चाटीराः डोरा लड़ा जुकूर हों ईंग कोवायिंगा।”

एहुना 1:16

अरू हाँय उडु-बुडूत होयानेन अते अबू जमाकूराः जीवरे मुनुरुक मयाबू पवावनेना।

एहुना 1:1

चउंदीस बुँहड़ीन अते मनाड़ंग सरवन दोहोना अरू हना सरवन भगवान सुदा दोहोना अरू सरवन भनगवान दोहोना।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

1 एहुना 1:1

ने अजी बोपोहकूतिंग, जीव एमेता हना सरवन जूग परियाते दोहोना अरू ननाः बदीरे अपे लगाले ओजाःगेतना। अले हनानाः सरवन अँननलेराः मेडतेले ञेलतेरा अरूले अयूमतेरा, अले अँननलेराः तिःईतेले टोँवावतेरा।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

मती ओजाःतेरा भगवानराः नपाय सरवन 23:8

मनदो अपेरीग मिनीटोंग गुरुजी इदा अरू अपे जमाकू वगीयाकू हवे। हनालगा अपे अँननपे रबबी माःआन अलोपे एचे कतान।

1 कुरिंती 12:27

नुँहू अपे मसीराः देह इया इदानपेःआ अरू मेमेड होड़ हाँयराः देह दगलीकून इया इदानपेःआ।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।