कुलूसी 1:15 - Korwa Bible

¹⁵ भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

कुलूसी 1:15 Referans Kwoze

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

एहुना 14:9

हनते ईसू कतातेड, “ने पिलिपूस, ईंग मुरुक दिन वरी अपे सुदा इदानिंगा अरू नुँहू वरी आम ईंग मेरेम सुदींगतना जा? ईंगे ञेलकेरा हाँयग होड़ ईंग अपांग होंय ञेलकेरा। दो आम करा इयाम कतायतना, अपाममे उदुःवाले, माःआन।

एहुना 1:1

चउंदीस बुँहड़ीन अते मनाड़ंग सरवन दोहोना अरू हना सरवन भगवान सुदा दोहोना अरू सरवन भनगवान दोहोना।

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

पिलिपी 2:6

हाँय जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

रूमी 8:29

भगवान मनाड़ंगतेय सुनावकेडकुःआ हँकुःआ होड़कू आँयगरीग बेटा ईसू मसी इया होनोयाः लगा जूग परियातेय ओंगोल दोहोकातेरा, जेमहा ईसू मसी जमा बिसवासी होड़कूरीग वगातुकूय बड़ाँव जुवाः।

1 तिमुतियूस 1:17

जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

इबरानी 1:6

अरू भगवान अनँयग मरंगीग बेटात चउंदीसरेय वारेय मेलाय कतायता, “ईंगरिकुःआ जमा सेरमो देसरिकुःआ बराहीलकू हाँयपे जाग।”

1 तिमुतियूस 6:16

हनाँय एकला सगर सइट लगा जीयत इदानिया अरू मुरुक विड़चेड़तो मरसलरेय दोहोनता। तोनोंगीग होड़ हाँय तोनोंग बेला मेरकू ञेलगडिया अरू तोनोंगीग होड़ हाँय ओनोरोकू ञेल अवेतिरिया। हाँयके मान मरजइत होया ञवन अरू हाँयराः राइज जनामा जूग वरी दोहोन। आमीन!

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

कुलूसी 1:13

भगवान अबू कलउराः अंदरा राइज अते सडावकेडबूखन, अनँयगरीग दुलार बेटातराः राइजरेय गोः अदेरकेडबुःआ।

इबरानी 11:27

बिनिसवासते मोसेस मेरेय ञेल ञामुःता हाँयग भगवान एचेरे, ञिलुःतना हना इयाय बड़ियाड़यान। हनालगा हाँय पिरोन राजा रीस भीकनेना हना मेरेय बोरोवागाड अरू मिसिरी देसे अड़ाः एंडागोतेड।